9 Lɛɛ mɛ le bela baa har mɛ ta, wechɔɡ-ɛɛra bela nɔɔ n ŋɔ nɔ.
Mbarafo tena sɔɔh dɛ haɡre mɛ bela, ba kpɔa bil ŋwɛnɛ maa dɛ kpɔ o ta la ta, ásɛ dɛ dɔɔ mɛ lawɛ.
Anomanta, ba sie lɔ o nɛɛ baa kpaahno dɛ dɔɔ. Ba tɛ nɛra bane suuɡa, dɛ tom ba ŋɔ bá ka haɡre Yeesu bela webɔɔre ne, a do kɛŋɔ siswɛm waa baa bɔɔ, ásɛ dɛ dɔɔ lawɛ, dɛ́ kpɔɔ do Rom nomoa waa dɛ di ba harɛ la kpeɡri nɔn ta.
Wejereme webaɡla do kɛ bule dɛɛ tɛ mkpa, a dɛ le nɛn seo ta.
Nɛnchɔɡa har mɛ bel, kɛ n ta habɔɔ berɛ kpo he Mmarare la bwa.
Nɛra baa dɛ nyin mɛ dɛ́ kpo, haɡre mɛ bela, nɛra baa dɛ nyin n chɔɡa dɛ́ aah mɛ, tɔpere bɛlbwaa baa vɔrɔwe n vɔrɔwa, dɛ́ chɔɡ mɛ.
Gel ba dɔma piɡri lɔ ba tɔ ba nɛ, dɛ́ pa ba laala, ásɛ ɔmee laɡ ba baa dooɡe lɔŋɔre, dɛkalkɛ ba kwi nafuɡe dɛ sɔh har mɛ bela, dɛɛ nyin mɛ dɛ́ lawɛ.
Dɛ n bambile chɔɡɔ aa, onee dɛɛ baɡ mɛ ŋwɛnɛ. N dɔma sɔɔh kpɔ bel harɛ ŋwɛnɛ maa dɛ kpɔ o ta la ta.
N Naa Korowii, he nɛɛ mɛɛ hwɛɡɛ kohona, mɛɛ ɡo yelaa kpɛɛre.
Ba nyoa wobol nyɛɡre kɛŋɔ, kere, dɛɛ yaɡɛ kɛŋɔ kpaah yon ta hɛmchɔɡe la ken.
N keo nyiŋi na naa, nomɛlbwa toole dɛ́ cha mɛ. N ta nɛn maa chwa ka sɔh o be dɔe, nomɛlbwa waane laa n nyu dɔe wa.
