Yela 141:2 - mzwDBL

² No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Yela 141:2 ပူးပေါင်းရင်းမြစ်များ

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Yela 134:2

Hé ɡɔɔ nɔɔra Korowii Dea bela dɛ́ kpɛɛro.

Yela 63:4

Mɛɛ kpɛɛree n soɡa bini bwa, mɛɛ ɡɔɔ n nɔɔraa nyundua, dɛ́ kpɔ n wesoŋa bil he sie.

Yela 28:2

No n wii maa wia dɛɛ noe nɔ, dɛ́ cha mɛ, sune n nɛ, dɛ́ no n wii, maa ɡɔɔ nɔɔra nyundua chaɡɛ he Dea dɛ́ soŋe, bela waa do ɡoroŋ la.

Yela 5:3

N Naa Korowii, chɔɔ bɛlbwa he dɛ no n taa. Chɔɔbɔr n kpɔ n wesoŋa dɛɛ bil he sie, dɛɛ kpa ɡɛ haa chaŋ mɛ.

Ɛsra 9:4

Nomɛlbwa waa no waa Korowii Israel tena aa dɛ tomɔ aa bola la baa bar mɛ cheme dɛɛ chel, dɛkalkɛ nɛra baa le bojaŋ harɛfale ta dɛ ba la waa ta kasinteŋ dɔe. Asɛ n so bela dɛɛ di suna ka tel kɛŋɔ jɔmɔr saraha ɛɛ aa tela.

Kaala 29:39

Lawɛ beŋkpoŋ ɛ saraha tɛ mɛ chɔɔ, ásɛ wee aa baa jo la, he kpɔ bɛl la ɡe ɛ tɛ mɛ.

We-ɛɛla 3:1

Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa.

1 Koranar 18:36

Saŋ aa tela Elaeja ɛ saraha la, o kaa che saraha kon la jwɛh dɛ soŋe Korowii ŋɔ, “N Naa Korowii Abraham ne Aesek ne Jekɔb baa ɛ ya naawa aa tomɛ, fini ɡel ba jemɛ kɛŋɔ henee Korowii Israel tena aa dɛ tomɛ la. Dɛ́ berɛ ɡel ba jemɛ kɛŋɔ he bonɔɔnee men, hen do mɛ ŋɔ ń ɛ waa nɔ bwa.

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Kaala 35:15

ne kon baa ba dɛ fuh daawiile o ta, ne daa baa kpɔ dɛɛ cheo, ne noo baa kpɔa dɛɛ do nɛn sɔfore ta, ne daawiile a sɔɔh aa soma kohona, dɛ pateesan wáa saɡɛ Korowii Tɛnte Dea doonyoa,