Yela 140:5 - mzwDBL

⁵ Mbarafo tena sɔɔh dɛ haɡre mɛ bela, ba kpɔa bil ŋwɛnɛ maa dɛ kpɔ o ta la ta, ásɛ dɛ dɔɔ mɛ lawɛ.

Yela 140:5 ပူးပေါင်းရင်းမြစ်များ

Job Tɔn 18:9

Bel la dɛ lawɛ ba nalurumi, dɛ kpoŋe ba bini kiŋkiŋ.

Yela 119:110

Nɛnchɔɡa har mɛ bel, kɛ n ta habɔɔ berɛ kpo he Mmarare la bwa.

Yela 119:69

Mbarafo tena teŋe nyosone dawɛ n nɛ, kɛ n bambile bwa nee mɛɛ teŋɛ he Mmarare ta.

Yela 119:85

Mbarafo tena baa wola he Mmarare ta teŋɛ kwi bɔɔne, dɛ́ kpɔ har mɛ bela.

Yela 142:3

Dɛ n bambile chɔɡɔ aa, onee dɛɛ baɡ mɛ ŋwɛnɛ. N dɔma sɔɔh kpɔ bel harɛ ŋwɛnɛ maa dɛ kpɔ o ta la ta.

Yela 31:4

N dɔma har mɛ bela, lɛɛ mɛ le a ta, dɛkalkɛ henee n chwa baa marɛ.

Yela 35:7

N ta ban wobɛlbwa ɛɛ ba har mɛ bel, dɛ forɛ bɔluŋ, dɛ́ laɡ mɛ.

Yela 36:11

Bɛ ɡel mbarafo tena ba yoo mɛ, kɛɛ nyubinikpeɡ tena la doŋ mɛ.

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Yela 57:6

N dɔma haɡre bela, dɛ́ laɡ mɛ, suna ɡboo mɛɛ di. Ba kwi nafuɡe n ŋwɛnɛ ta, dɛ́ fee laɡ mɛ, kɛ ba ɡbaɡba berɔ le o bini.

Sɛɡla 24:15

Bɛ he te ɛ kɛŋɔ nɛnchɔɡa yon vɔrɔwe vɔrɔwa, dɛ́ ka bar nɛndɛɛɡa deremi cheme, dɛ́ ŋwɛɛ ba la.

Sɛɡla 29:5

Nɛn waa dɛ pa o dɔŋ la, dɛ́ harɔ bel.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 18:20

A chɛ kɛ bá kpɔ wechɔɡa bɔ wedɛɛɡa kem aa? Kɛ ba kwi nafuɡe dɛɛ nyin mɛ dɛ́ lawɛ. Lii kɛŋɔ n fa cheɡɛ he sie, dɛ bol ba waa tɛɛ ba ŋɔ, hé laa he bandia kpɔ ba nɛ.

Jeremia 18:22

Gel ba dɔma piɡri lɔ ba tɔ ba nɛ, dɛ́ pa ba laala, ásɛ ɔmee laɡ ba baa dooɡe lɔŋɔre, dɛkalkɛ ba kwi nafuɡe dɛ sɔh har mɛ bela, dɛɛ nyin mɛ dɛ́ lawɛ.