Yela 140:12 - mzwDBL

¹² N jemɔ kɛŋɔ Korowii bol nyaara waa dɛɛ tɛɛ ba, dɛɛ lɛ ba nyoa.

Yela 140:12 ပူးပေါင်းရင်းမြစ်များ

1 Koranar 8:45

noa nyundua bela haa soɡa, dɛ́ ɡel bá pɔ ba dɔma nɛ.

1 Koranar 8:49

noa nyundua bela haa soɡa la, ásɛ dɛ na ba sum.

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 12:3

N Naa Korowii, ɡel nyokpɛl ne nyoo baa kpɔa dɛɛ bol wejena ba a jaɡa.

Yela 12:4

A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Yela 22:24

Korowii aa nyaara vɛh ba wenaale ta, waa habɔɔ berɛ dɛɛ kpo ba, ba wio noo waa, o dɛ cha ba.”

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 72:4

Gel kooro bol nyaara waa dɛɛ tɛɛ ba aŋwɛnɛ ta, dɛɛ cha ba bii, dɛ́ pɔ nɛra baa dɛ fiɡ ba la nɛ.

Yela 9:4

He waa dɔ kasinteŋ, dɛ bol n waa tɛ mɛ aŋwɛnɛ ta, he soɡe he kookara ta, dɛ bol n waa tɛ mɛ n di bole.

Sɛɡla 22:22

Bɛ he dɔŋ nyae waa koh dɛ́ ɛɡro lɛ komɛl. Bɛ o nɛɛ nya, ásɛ dɛ bol waa bɔɔ kɔɔto.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Jeremia 22:16

O bol nyaara ne nɛŋɡwɛɡra waa tɛɛ ba, anomanta, o wobɛlbwa wer tɛo. Gɛ laa dɛɛ baɡle kɛ nɛn jemɛ men Korowii aa?

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.