Yela 14:5 - mzwDBL

⁵ Baa ɔmɔɔ ba bwara ɛɛ sa, jae Korowii aa ja nɛra ba wa aa toɡra la nɛɛ wa.

Yela 14:5 ပူးပေါင်းရင်းမြစ်များ

Ɛsta 8:7

Belaa Kooro Sɛksɛs chaŋe o haah ne Juu te Mɔdekae ŋɔ, “Vɔrɔwa Heeman aa vɔrɔwa ŋɔ bá kpoo Juu tena bwa la nomanta, n kpɔ o kondɔɔh bwa tɛ Ɛsta, dɛ ɡel ba ka saɡɔ.

Yela 112:2

Naate bii ɛɛ di kpeɡri harɛ taa, ásɛ Korowii swee andɛɛɡa tɛ o naanar.

Yela 22:30

Naanar baa ka ba bwa ɛɛ tomɛ Korowii, dɛ́ bol o waa baɡle ba biirere ne ba naanar.

Yela 24:6

Gɛ nɛraa dɛɛ nyin Korowii be bala, Korowii Jekɔb aa tomɔ la be.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 46:5

Korowii lɔ bwɛjen la ta, waa won chɔɡ, Korowii ɛɛ bao bɔr chaahna saŋ, dɛ́ ba cha ba.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Yela 73:15

Dɛ n bol ɡɛ waa la bɛlbwa naa, n fe le he nɛra la tɛ.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Samoɛl 14:15

Belaa ɔmee kohona chole laa tena la bwa nɛɛ baa chel, banɔ la baa lɔ bela baa baŋre ba tɛnte deene ne banɔ la baa lɔ kpɔɡ bini, dɛ nɛra baa laŋa dɛɛ la ka yo bwa. Korowii ɡelɔ harɛ jiɡri ɔmee kohona chole ba nɛ.