Yela 139:2 - mzwDBL

² He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Yela 139:2 ပူးပေါင်းရင်းမြစ်များ

Matiu 9:4

Yeesu aa jemɛ waa aa lɔ ba nyu bini la, o ŋɔ, “Ɛrɛɛ hɛɛ lii musu waa nɔɔ?

2 Koranar 19:27

N jemɛ he wobɛlbwa bini, he laŋa ne he bala bwa, ne he deŋnekpeɡ we-ɛɛla haa dɛ ɛɛ mɛ.

Amanesoma Luk Aa Chwera Tɔn 9:47

Baa wola a ne baŋ leɛ mɔɔ la, dɛ Yeesu jemɛ waa baa dɛ lii. Belaa o lawɛ bechala bɛl ir che o jwɛh,

Yela 94:11

Korowii jemɛ nɛwɛnyini liire kɛŋɔ a ɛ wepuu.

Aesaya 37:28

N jemɛ he wobɛlbwa bini, he laŋa ne he bala bwa, ne he deŋnekpeɡ we-ɛɛla haa dɛ ɛɛ mɛ.

Sɛɡla 15:3

Korowii dɛ na bobɛlbwa, o dɛ nyiŋi wechɔɡ-ɛɛra ne wedɛɡ-ɛɛra bwa.

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Yela 56:8

He na ɡɛ n bwara aa dɛ nyɛɡ, he ɡbabir jemɛ n suna maa dɛ di. A toole he tɔn bini ɡɛ naa?

2 Koranar 6:12

Ba bini bɛl ŋɔ, “N naa kooro, ya bini bɛlbwa laa. Korowii keame Elaesa waa lɔ Israel laanee. Onee dɛɛ no wobɛlbwa haa dɛ bol, dɛ́ ka bol Israel kooro be. Hale waa haa sɔh so he dea dɛ́ bol bwa.”

Mumpar 16:13

Korowii aa bol waa Heeɡa be la nomanta, o pa bie la sɔn ŋɔ, “Korowii haa dɛ na mɛ,” dɛ ŋɔ, “Korowiirii n na dɛ ta so le nɔ naa?”

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Ɛsekeɛl 38:17

He waa laa n faa che n bonɔɔna baa ɛ Israel keamere nɛɛ dɛ bol la aa? A ɡɛ saŋ la, n bol waa aa dɛ ba bala biɡri kɛŋɔ mɛɛ ɡeloo nomonjen Gɔɡ ba yoo ba.

Mmarare 31:21

Ásɛ wekpeɡa ba ba nɛɛ taeh, kɛ ba taa teŋɔɔ dɛ́ ɡo yel la, ásɛ a ɛ waa dɛ́ chɔ tɛɛ ba. Taraken kwara, n jemɛ liire baa dɛ lii mɔɔ mɛɛ ba ba ne harɛ maa baɡ ba nyoa la ta kaala.”

Yela 44:22

He nomanta, ya cheɡɛ seo nyoa saŋ bɛlbwa, baa ɛ yaa kɛ peera baa dɛ la ka kpoora ken.

Ɛsekeɛl 11:5

Korowii Doma la baa so n nɛ, asɛ dɛ ŋɔ ń bol Israel tena be ŋɔ, “N jemɛ waa haa dɛ bol, ne anɔ la haa dɛ vɔrɔwe bwa ɡe.