Yela 133:3 - mzwDBL

³ A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

Yela 133:3 ပူးပေါင်းရင်းမြစ်များ

Mmarare 28:8

Korowii haa dɛ tomɔ nɔ ɛɛ cha heyaa he toma taa, ásɛ he dɔndɔŋre su mea. Wɛɛ cha heyaa harɛ waa kpɔa dɛɛ tɛ heyaa nɔ taa.

Yela 42:8

Korowii dɛ baɡle o nyina aa wola jaɡa dɔe n nɛɛ webaŋa, a ɡel n ɡo yel tɛo jwaana, dɛ soŋe Korowii waa ɡela n so le.

Lewi Dea Tena 25:21

Mɛɛ ɡeloo harɛ la do wer kohona bennumɛl la ta, ásɛ kondikwaa aa le o ta ba la won tel heya bene atoro.

Mmarare 4:48

Harɛ la chɔɔ le Aanɔn Fɛlembɔjen la doa bwɛɛ Arowa ta dɛ ka le Sereɔn Bwejen baa bera dɛɛ yerɔ Hɛmɔn la ta,

1 Jɔn 5:11

Waa Korowii aa bola a ɛ danseɛ laanee nɔ. O tɛ yaa o mkpa aa wola jaɡa dɔe bwa la, asɛ o Bie la bee ɡɛ mkpa la ɡe le.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Maeka 5:7

Israel tena baa ɛ Jekɔb naanar baa ka la ɛɛ doo kɛŋɔ mɛn aa le Korowii be, dɛ koo harɛre nɛra bini, kɛŋɔ bwaala aa wir kpɔɡa ta, aa wola nɛn siwi ta nyiŋi mɔɔ la.

Yela 16:11

Hɛɛ baɡ mɛ mkpa ŋwɛnɛɛ. N lɔ he sie naa, n sie dɛ lɛ, n bwara ɡe ɛɛ sɔɔh mɛ saŋ bɛlbwa.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Amanesoma Jɔn Aa Chwera Tɔn 6:68

Asɛ Seemɔn Pita ŋɔ, “N Dɔɔ, dɛ ya le he be naa, ume bee yaa ba kaala ɔ? He wobol taa mkpa aa wola jaɡa dɔe do.

Amanesoma Jɔn Aa Chwera Tɔn 5:29

ásɛ bɛlbwa le o bɔɔ bini. Banɔ la baa ɛ wedɛɛɡa la te ɛɛ berɔɔ dɔ Korowii mkpa, ásɛ banɔ la ɡe baa ɛ wechɔɡ-ɛɛra la, ó berɛ chɔɡ ba.”

Josua 13:11

o teŋɔ ka le Gelead waa lɔ Gesur ne Maaka harɛre ta, ne Hɛmɔn Bwejen la bwa ne Basan harɛ bwa dɛ́ kpoŋe kaa Saleka bwa jao.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

1 Jɔn 2:25

Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Yela 21:4

O soŋe mkpa, asɛ he tɛo mkpajaŋ waa wola jaɡa dɔe.

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Yela 21:5

He chao o pɔ o dɔma nɛ, dɛ ɡel o ɛ nɛnjen, dɛ tɛo sɔn o dɔ jirima kohona.