Yela 132:5 - mzwDBL

⁵ ka tel kɛŋɔ maa nyin sobɔr tɛ N Naa Korowii, Nemenɛ Korowii, Jekɔb Kpeɡnɛn waa tomɔ la.”

Yela 132:5 ပူးပေါင်းရင်းမြစ်များ

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

2 Webena 2:6

Nomɛlbwa toole dɛ́ won do Dea tɛ Korowii, dɛkalkɛ nyundua ɡba aa kanɛ tɛo ó so bela. N ɡee ume, n ŋɔ ń do Dea tɛo ó ba so o bini nɔ? Atane bɔr baa fuh saraha kwaa dɛɛ tɛo o sie ɡbo.

1 Webena 22:7

O ŋɔ Solomɔn be ŋɔ, “N bie, dɛ n bambile fe lawɔ kɛŋɔ ń do Dea tɛ Korowii maa dɛ tomɔ la.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

1 Webena 15:3

Anomanta, o yerɛ Israel tena bwa Jerusalam ŋɔ bá ka kpɔ Korowii Ne Nɛwɛnyina Fɔo Daka la ba cheɡ bɔr waa kwaara la bini.

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

2 Samoɛl 6:17

Israel tena la kpɔ Korowii Ne Nɛwɛnyina Fɔo Daka la ba cheɡ o chebɔr, tɛnte dea Kooro Devid aa baŋro la bini, asɛ dɛ kpɔ saraha kwaa baa fuah, ne deŋnesɔɔhna sarahare ba Korowii sie bela.

2 Samoɛl 7:1

Kooro Devid baa so o koodem asɛ Korowii ɡel o dɔ bosɔɔhna dɛ le o dɔma baa baro cheme bwa be.

1 Koranar 8:17

Anee Kooro Solomɔn berɛ ŋɔ, “N mɛɛ Kooro Devid lii o nyu bini dɛ fee ŋɔ wɛɛ do Dea Korowii sɔn taa, ásɛ ya Israel tena ɛɛ tomɛ Korowii yaa dɛ tomɔ la bela.

1 Webena 28:2

Ate, Kooro Devid ir che dɛ ŋɔ, “Hé no n be, bwɛɛla. N liiro ŋɔ a chɛ kɛ ń do dea dɛ́ kpɔ Korowii Ne Nɛwɛnyina Fɔo Daka la ba cheɡ o bini, ó ɛ Korowii natiɡribɔr. Asɛ dɛ baɡle ɡɛ baa mao.