13 Korowii le Saayɔn cheɡ, dɛ kpɔ bela ɛ o soŋnibɔr.
Kɛ mɛɛ koh n bonɔɔ Kooro Devid ne bwɛjen Jerusalam maa kpɔa ɛ n bwɛɛ la waa, maa kora la bwaa lɛ. Mɛɛ ɡel dea beŋkpoŋ nɛraa tɛ he bie.”
dɛkalkɛ n le Dea nɔ cheɡ dɛ ɡel o do ɡoroŋ, ásɛ baa tom mɛ o bini saŋ bɛlbwa dɛɛ la. Mɛɛ dɛɛ daahno n sie do o ta.
Taraken, hé nɛra haa dɛ tomɛ Korowii bwa ir kaa bela, dɛ́ ka berɛ kwaa ma Korowii Israel tena aa dɛ tomɔ Dea waa lɔ Jerusalam. Onee dɛ́ ja he nɛ.
Ɛrɛɛ he bwejena haa lɔ Basan, ɛɛ nyiŋi Korowii bwe waa do ɡoroŋ, kɛŋɔ nɛn aa dɛ we o dɔŋ bwara dɛɛ nyiŋu nɔɔ? Korowii ɛɛ so bela saŋ bɛlbwaa dɛɛ la!
O dɛ nyin bwɛjen la, dɛ ɡwaa Israel harɛ bobɛlbwa.
Hen Korowii dɛ lii nɛra ba bwara aa dɛ nyɛɡ ba wa, haa wii baa dɛ wi waa soh. He dɛ tɛr nɛra baa dɛ ɛ ɡɛ nɛra wechɔɡa la deŋne.
Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”
He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.
