Yela 132:11 - mzwDBL

¹¹ He baɡɛ Kooro Devid nyoa, haa wola nyoa charɛ, dɛ ŋɔ, “Mɛɛ ɡeloo he naanar bini bɛl ba di he kara.

Yela 132:11 ပူးပေါင်းရင်းမြစ်များ

2 Samoɛl 7:12

Haa ba sewɛ ka pu he naawa la, mɛɛ ɡeloo he ɡbabir bibaala la bini bɛl bá chiɡ he naa ta dɛ́ di kora, ásɛ o kora che kiŋkiŋ saŋ bɛlbwa dɛɛ la.

2 Samoɛl 7:14

Mɛɛ ɛ o mɛɛ, ásɛ o ɛ n bie. O ɛ wechɔɡa aa, mɛɛ tɛr o deŋnee kɛŋɔ mɛɛ yon dɛɛ tɛr o bie deŋne o wechɔɡa waa la.

2 Samoɛl 7:16

He naanar ɛɛ do lee saŋ bɛlbwa, ásɛ n ɡel he kora che kiŋkiŋ saŋ bɛlbwa dɛɛ la.”

1 Koranar 1:48

‘Korowii Israel tena aa dɛ tomɔ laanee chɛ kpɛɛra kɛŋɔ waa ɡela n na n bibaa Solomɔn o ba chiɡ n naa ta dɛɛ di kora fini nɔ.’ ”

1 Koranar 8:25

Name, n Naa Korowii Israel tena aa dɛ tomɛ, teŋɛ nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

2 Webena 6:16

Name, N Naa Korowii Israel tena aa dɛ tomɛ, teŋɛ he nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ, dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

2 Webena 7:18

amɔ te mɛɛ ɡeloo kora haa dɛ di Israel tena nɛɛ la che kiŋkiŋ saŋ bɛlbwa, ɡɛ maa baɡɛ he mɛɛ Devid nyoa ŋɔ, ‘He naanaree dɛɛ ba Israel tena nɛɛ nyiŋa saŋ bɛlbwa,’ la.

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Yela 89:33

Kɛ maa Devid nyinaa ɡel bwa, kɛɛ dɛ́ vɛh n ne o baah fɔo la.

Yela 89:35

N berɔ ŋwɛɛ n sɔn waa do ɡoroŋ, maa wola nyoa berɛ, maa Devidii neɡre bwa,

Yela 89:37

O kora ɛɛ cheo kiŋkiŋ saŋ bɛlbwa dɛɛ la ɡɛ korobie aa lɔ nyundua saŋ bɛlbwa nɔ, dɛ́ ɛ danseɛ.”

Yela 89:5

Kwaa aa lɔ nyundua dɛ kpɛɛ he nyokpowe-ɛɛla, nyundua toroma ɡe ɡo yela dɛɛ kpɛɛ he kasinteŋ haa dɔa.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Amanesoma Luk Aa Chwera Tɔn 1:32

Wɛɛ ɛ nɛnjenii, ásɛ baa yerɔ Nemenɛ Korowii Bie. N Naa Korowii dɛ ba on o naa Devid kora la dɔŋ cheɡa ó di.

We-ɛɛla 2:30

Kɛ o ɛ Korowii keame, dɛ berɛ jemɛ nyoa Korowii aa ŋwɛɛ ntam baɡɛ ŋɔ wɛɛ ɡeloo Devid naa bɛl ba di o kara la.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

1 Samoɛl 15:29

Korowii Israel tena aa dɛ tomɔ la dɔ jirima, waa nyosone teŋe, waa o liire ɡe charɛ. Nɛwɛnyini laa on ó charɛ o liire.”