Yela 132:10 - mzwDBL

¹⁰ N Naa Korowii, lii nyoa haa baɡɛ he bonɔɔ Kooro Devid la wa. Bɛ kooro haa leo cheɡ tɛ he te la vɛh.

Yela 132:10 ပူးပေါင်းရင်းမြစ်များ

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Yela 84:9

N Naa Korowii, swee ya kooro waa dɛ tɔ yaa ɡbemɡbe andɛɛɡa, kooro haa leo cheɡ tɛ he te la.

2 Webena 6:42

N Naa Korowii, lii he nyina haa dɔa tɛ he bonɔɔ Kooro Devid ne nyoa haa baɡɔ la wa, bɛ kooro haa leo cheɡ tɛ he te la vɛh.”

2 Koranar 19:34

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta.’ ”

1 Koranar 11:34

Kɛ maa kora la bwaa lɛ le Kooro Solomɔn be. Mɛɛ koh Kooro Devid maa leo cheɡ tɛ n te wɛɛ teŋɛ me Mmarare ta la waa, dɛ́ ɛo harɛ la ta nomoa o soɡa bini bwa.

2 Koranar 8:19

Kɛ ane a bwa, dɛ Korowii koh o bonɔɔ Kooro Devid waa dɛ ŋɔ waa Juda harɛɛ chɔɡ. Dɛ Korowii baɡɛ nyoa ŋɔ Kooro Devid naanar la bini bɛlee dɛ́ di kora Jerusalam saŋ bɛlbwa dɛɛ la.

Yela 84:10

Nɛn soɡe he Dea tɔpebeŋkpoŋ ɡbo aa, a bɔ kɛ waa kaa di tɔpera kaɡboŋ bobɛl. N fe ɛɛ che Korowii maa dɛ tomɛ Dea doonyoa dɛɛ daah bela, dɛ́ ɡwaa kɛ maa kaa so nyubinikpeɡ tena deremi.

Yela 144:10

Henee ɡela Israel koranar yo dɛɛ pɔ ba dɔma nɛ, dɛ lɛ he bonɔɔ Kooro Devid le seo nyoa.