Yela 131:1 - mzwDBL

¹ N Naa Korowii, n ɡel mbarafo ɛɛ, maa n te ɡɔɔ kpa. N liire toole wejena kɛɛ nyokpowa aa ɡwaa n nɛɛ ta.

Yela 131:1 ပူးပေါင်းရင်းမြစ်များ

2 Samoɛl 6:22

A lole kɛŋɔ he dɛ lii kɛ n sae la ɛ sihihwa, kɛ bitoli haa dɛ bol ba waa nɔ ɛɛ kpɔ duuree tɛ mɛ.”

Job Tɔn 42:3

He bɔɔ mɛ ŋɔ, ‘Umee hen hɛɛ tɔŋle n waa wobol aa wola mun dɔe ne nɔɔ?’ Kasinteŋ, n bol waa maa wola a mun no, waa aa ɛ nyokpoa kohona, maa wola a mun jemɛ.

Yela 101:5

Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

Yela 122:1

N sie lɛo kɛ baa ŋɔ n be ŋɔ, “Ir ya la Korowii Dea.”

Yela 124:1

Dɛ Korowii fe ta ya nɛɛ jae yaa, ɛrɛɛ ya fe ɛɛ ba doe yɔ? Israel tena, hé bwa chaŋe!

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Yela 139:6

Gɛ haa jemɛ n waa la kpo n nyoa kohona, maa wone dɛɛ no a mun.

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.

Jeremia 17:16

N ta vɛɛh kɛŋɔ mɛɛ nyiŋi he nɛra nɛɛ kɛŋɔ peteɡre, maa nyin kɛ he kpɔ sibeɡra tɔpere bɛlbwa ba ba nɛ. Wobɛlbwa aa le n nyoa la chɔ he sie.

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Nɛra Kura 12:3

Dɛ Mosis ɛ nomɛl waa pwɛra kɛrɛdɛ, dɛ ɡwaa nomɛlbwa harɛ nɔ ta.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

We-ɛɛla 20:19

N kpɔ n te kɛ n Dɔɔ Yeesu bonɔɔ dɛɛ ɛ o toma nɔ sipwɛra ne. N koh he nyoɡra haa nyoɡre Korowii ŋwɛnɛ waa dɛ yon dɛɛ wi. Juu tena aa dɛ vɔrɔwe n vɔrɔwa la, a noo mɛ taeh.

Tɔn Pɔɔl Aa Chwerɛ Rom Tena 11:33

Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

Mmarare 17:20

Gɛɛ dɛ́ ɡel ó jemɛ kɛŋɔ o ta o bala Israel tena ɡwaalɛ. O bɛ tɔn la waa la ane laa kpɔ, dɛ bɛ ane ɡe kpɔ ja, ásɛ a ɡel o ne o naanar di kora dɛɛ biɡri Israel harɛ ta.”

1 Tesalonika 2:10

He nɛra haa yaradaa ne Korowii bwa ɛ ya danseɛ tena, dɛkalkɛŋɔ he nao kɛ ya we-ɛɛla wer, ya waa toɡre dɛ lɛ Korowii sie, doŋa bɛlbwa aa wola toole a ta.

1 Samoɛl 16:13

Samoɛl kpɔ pebal nyeɡle noo aa lɔ o bini la fuɡe do Devid nyu ta ba siwi ta. Dɛ onee Korowii le. Le awola dɛɛ kaa la, Korowii Doma baa so o nɛɛ kpeɡri nɛ, asɛ Samoɛl berɛ kaa Rama.

1 Samoɛl 16:18

Belaa bonɔɔna la bɛl chaŋe ŋɔ, “N na Jese bibaa bɛl, o lɔ Bɛtlɛham dɛ jemɛ janjela lɔe. O ɛ banyoo, o bambile ɡe do kpeɡri, o jemɛ wobol dɛ do wer bonɔɔ ɡe. Asɛ Korowii ja o nɛ.”

1 Samoɛl 16:22

Ate, Kooro Sɔɔl ɡel ba ka ŋɔ Jese be ŋɔ, “Gel Devid so n be dɛɛ tom mɛ, n sie dɛ lɛ o nɛ.”

1 Samoɛl 17:15

kɛ Devid yon le Kooro Sɔɔl be kaa Bɛtlɛham dɛ́ ka teɡɛ o mɛɛ peera tama, dɛ́ yon berɛ ba.

1 Samoɛl 18:23

Ba kaa bol ɡɛ waa nɔ Devid be. Anee o ŋɔ, “Hé dɛ lii kɛ a ɛ wekokori kɛ nɛn ɛ kooro hela kɛɛ? Nyaaree men, n ɛ nɛŋɡwɛɡre.”