Yela 13:1 - mzwDBL

¹ N Naa Korowii, saŋ besoo hɛɛ ba n waa soeh ka tel ɔ? Hɛɛ soh n waa kwaraa kɛɛ? Hɛɛ laa sie kpɔ n nɛɛ biɡri kɛɛ?

Yela 13:1 ပူးပေါင်းရင်းမြစ်များ

Job Tɔn 13:24

Ɛrɛɛ he laa sie kpɔ n nɛ, dɛ kpɔ mɛ berɛ he dɔm nɔɔ?

Yela 10:12

N Naa Korowii, tɛr nyubinikpeɡ tena nɔ deŋne, dɛ bɛ nɛŋɡwɛɡra waa soh.

Yela 35:17

N Naa Korowii, saŋ besoo hɛɛ ba ɡɛ waa nɔ nyiŋa ka tel ɔ? Lɛɛ mɛ le yoi baa dɛ yoo mɛ nɔ ta, lɛɛ mɛ le n dɔma baa do kɛ nyujentena nɔ nɔn ta.

Yela 44:24

Ɛrɛɛ he kpɔ sie sɔh yaa nɔɔ? Bɛ ya dɔma wenaale baa do yaa a ta la soh.

Yela 6:3

N bwadabii bwa dɛ wee mɛ taeh. N Naa Korowii, saŋ besoo he ba cha mɛ nɔ?

Yela 74:1

N Naa Korowii, ɛrɛɛ he den vɛh yaa kwaraa ɡɛ nɔɔ? Saŋ besoo hɛɛ nyin he baah di he ɡbabir nɛra nɛɛ ka tel ɔ?

Yela 80:4

Korowii Waa Ɛ Koranar Bwa Kooro, saŋ besoo he bandia nyoa ɛɛ ba sɔɔhna, he nɛra wesoŋa ta nɔ?

Yela 85:5

He baah ɛɛ di ya nɛɛ saŋ bɛlbwaa dɛɛ la ɡɛ naa? He bandia nyoa aa sɔɔh bwa naa?

Yela 89:46

N Naa Korowii, saŋ besoo hɛɛ ba he te sɔeh ka tel ɔ? Saŋ besoo he baah ɛɛ ba dii kohona dɛɛ la ɡɛ nɔ?

Yela 90:14

Gel he nyina aa wola jaɡa dɔe la do ya nɛɛ chɔɔ bɛlbwa, ásɛ ya ɡo silɛɛ yela dɛɛ hɛɡre ya soɡa bini bwa.

Aesaya 59:2

He wechɔɡaa tɔ heyaa ŋwɛnɛ, a do kɛ waa he be no la, anee pere he ne o baah he dɛ soŋo waa, waa wola chaŋe, dɛ kpɔ o te dɛɛ sɔh heyaa la.

Wiile 5:20

Ɛrɛɛ he soh ya waa biɡri ɡɛ nɔɔ? He ta ɛɛ ba lii ya waa ja tenaa?

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’