Yela 128:2 - mzwDBL

² Naate ɛɛ di o koeh tɔnɔɔ, dɛ́ na som o wobɛlbwa do wer tɛo.

Yela 128:2 ပူးပေါင်းရင်းမြစ်များ

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 109:11

Gel nɛra waa di ba kema pa o kondɔɔh bwa kaa, dɛ́ ɡel hɔɔhra pa komɛlbwa waa koah dɛ dɔ.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Jeremia 22:15

He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Ɛfesos 6:3

Kenii o ŋɔ, “Dɛ he dɛ ɛ ɡɛ naa, Korowii ɛɛ nyiŋi heyaa kɛrɛdɛ, dɛ́ tɛ heyaa mkpajaŋ harɛ nɔ ta.”

Mmarare 28:11

Wɛɛ tɛ heyaa biirii taeh, dɛ́ tɛ heyaa nae kohona, ásɛ dɛ berɛ ɡel he dɔ koo kondikwaa kohona, harɛ waa baɡɛ he naawa nyoa ŋɔ wɛɛ kpɔɔ tɛ heyaa la ta.

Mmarare 28:39

Hɛɛ parɛ daa baa kpɔ a nɔna dɛɛ ɛ sen koonii, kɛ haa a nɔnaa dɔ chaa, haa a senee dɔ nyɔ dɛkalkɛŋɔ dudule ɛɛ chɔɡaa.

Mmarare 28:4

Wɛɛ swee andɛɛɡaa tɛ heya dɛ́ tɛ heyaa lol, dɛ́ berɛ ɡel he kooni do wer, ásɛ he kondɛɛra kɛŋɔ nae ne peera ya.

Mmarare 28:51

Baa di he kondikwaa bwaa ásɛ lɔr kpo heyaa he serewe. Baa di he mea bwaa, dɛ́ nyɔ he sen dɛ́ kpɔ he ɔleve no, dɛ́ larawe he nae bii ne peera bii bwa, ka tel kɛŋɔ he kondɔɔh bwa aa le he nɔn ta.

Mmarare 28:8

Korowii haa dɛ tomɔ nɔ ɛɛ cha heyaa he toma taa, ásɛ he dɔndɔŋre su mea. Wɛɛ cha heyaa harɛ waa kpɔa dɛɛ tɛ heyaa nɔ taa.