Yela 12:8 - mzwDBL

⁸ Nyubinikpeɡ tena perɔ, dɛ valɛ dɛɛ ɡu, ba na waa aa wola were nɛra ɛɛ ɛaa, dɛ ba dɛ kpɛɛra.

Yela 12:8 ပူးပေါင်းရင်းမြစ်များ

Job Tɔn 30:8

Ba ɛ nɛra ba wa aa wola tɔnɔ dɔe, ba ta sɔna dɔe, ba doŋ ba le harɛ la ta.

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Daneɛl 11:21

Nyundua torome la berɔ ŋɔ, “Nɛmpɛɛ bɛl waa wola kora la ta jae ɛɛ ba chiɡ Siiria kooro naa taa, dɛ́ di kora. Wɛɛ kpɔ laalee ba ta harɛ la ta nɛra nɛ, ɡɛ saŋ baa dɛɛ lii kɛŋɔ deŋnesɔɔhna lole. Ásɛ dɛ che neɡra ŋwɛnɛ ta dɛɛ di kpeɡri.

Hosia 5:11

Ba dɛ fiiɡi Israel tena, ba pa ba bolchɔɡe dɛ tiɡ ba do harɛ, hwɛɡa baa dɛ hwɛɡɛ voɡsale ta la wa.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”