Yela 12:4 - mzwDBL

⁴ A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Yela 12:4 ပူးပေါင်းရင်းမြစ်များ

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Mumpar 3:5

Korowii jemɔ kɛŋɔ dɛ he di daa la nɔn aa, he sie dɛ ba pila, he jemɛ wedɛɛɡa ne anchɔɡa kɛ on ken. A waa o ŋɔ he bɛ di la.”

Yela 140:12

N jemɔ kɛŋɔ Korowii bol nyaara waa dɛɛ tɛɛ ba, dɛɛ lɛ ba nyoa.

Sɛɡla 10:31

Nɛn o wa aa toɡraa dɛɛ bol nɛmbiwa, kɛ nɛn o nyondoŋe aa bar o nyu te waa dɔ jaɡa.