Yela 119:2 - mzwDBL

² Nɛra baa dɛ nyin o waa dɛɛ teŋɛ a ta bambile bwa ne la, ba na som.

Yela 119:2 ပူးပေါင်းရင်းမြစ်များ

Jeremia 29:13

Hɛɛ dɛɛ ɡaaɡe n bɔree dɛ́ na mɛ, dɛ he dɛ́ nyin n bɔr he bambile bwa ne naa, hɛɛ na mɛɛ.

Yela 119:10

N dɛ tomɛ n bambile bwa ne. Bɛ ɡel n vɛh waa haa do mɛ a ta la ta teŋa.

Mmarare 4:29

A tel belaa, hɛɛ dɛɛ ɡaaɡe Korowii bɔree dɛ́ nao, dɛ he dɛ nyin o bɔr he bambile bwa ne he hweera bwa ne naa, hɛɛ nao.

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Yela 25:10

Korowii dɔ nyina, o waa dɔ kasinteŋ, wɛɛ tɔ nɛra baa dɛ teŋɛ fɔo o ne baa fɔwa la ta siee.

Ɛsekeɛl 36:27

Mɛɛ kpɔ n domaa ba so he nɛ, ásɛ hɛɛ teŋɛ me Mmarare, ne waa maa baɡle heyaa la ta kɛrɛdɛ.

Sɛɡla 23:26

N bie, cheɡ deŋne kɛrɛdɛ, ásɛ dɛ kpɔ n da.

Mmarare 6:17

Hé nyiŋi kɛrɛdɛ dɛ́ɛ teŋɛ mmarare waa kpɔa tɛ heyaa la bwa ta.

2 Webena 31:21

Wobɛlbwa Kooro Hɛsɛkea aa ɛa Korowii Dea Jerusalam, ne ɡɛ waa teŋɛ Korowii Mmarare, ne waa waa doo a ta bambile bwa ne la ɡelɔ o wobɛlbwa chiɡu kɛrɛdɛ.

1 Koranar 2:3

dɛɛ nyiŋi Korowii haa dɛ tomɔ la waa waa doe a ta la ta kɛrɛdɛ, dɛɛ teŋɛ o Mmarare ne waa aa dɛ baɡle ɡɛ baa chwera do Mosis Tɔn la bini la ta, ásɛ kerekere wobɛlbwa haa dɛ ɛ, ne bobɛlbwa haa la la, a do wer tɛɛ.

1 Jɔn 3:20

Dɛ ya liire pa yaa bolchɔɡe aa, Korowii ɡwaa ya liire dɛ jemɛ komɛlbwa.

Yela 105:45

ɡɛ aa ɛ ásɛ baa teŋɛ o Mmarare, ne waa waa do ba a ta la ta. Hé kpɛɛ Korowii!

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Yela 119:22

Lɛɛ mɛ le chɛɡa ne sihiih ta, dɛkalkɛ n dɛ teŋɛ he Mmarare ta.

Yela 119:146

N wio dɛɛ yerɛ. Lɛɛ mɛ, ásɛ mɛɛ teŋɛ he Mmarare ta.

1 Webena 22:19

Name, le fini kpɔ he bambile ne liire bwa ne dɛɛ tomɛ Korowii. Pa mun ma Korowii Dea la, ásɛ dɛ won kpɔ Korowii Ne Nɛwɛnyina Fɔo Daka la ne laala aa do ɡoroŋ ba kpɔ dɛɛ tomɔ la bwa ba cheɡ o bini.”

Yela 119:17

Nyiŋi men maa ɛ he bonɔɔ nɛɛ kɛrɛdɛ, ásɛ n won so dɛɛ teŋɛ he waa haa baɡ mɛ la ta.

Yela 119:33

N Naa Korowii, baɡ mɛ he Mmarare la, ásɛ mɛɛ teŋɛ a ta saŋ bɛlbwa.

Yela 119:34

Cha mɛ n won dɛɛ no waa mun, ásɛ mɛɛ teŋɛ he waa ta, n bambile bwa ne.

Yela 119:57

N Naa Korowii, henee n komɛlbwa. N sɛoh kɛŋɔ mɛɛ teŋɛ he Mmarare la taa.

Yela 119:69

Mbarafo tena teŋe nyosone dawɛ n nɛ, kɛ n bambile bwa nee mɛɛ teŋɛ he Mmarare ta.

Yela 119:88

Che he nyina aa wola jaɡa dɔe la ta, dɛ́ kpɔ nɔn tɔ n nɛ, ásɛ mɛɛ teŋɛ he webaɡla bwa ta.

Yela 119:101

Maa dɛ nyin mɛɛ teŋɛ he waa ta nomanta, n laa n te kpɔ wechɔɡa ɛɛ ta.

Yela 119:115

Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!