Yela 118:24 - mzwDBL

²⁴ Finii ɛ tɔpere yaa kpɔa dɛɛ lii awola Korowii aa pɔ o dɔma nɛ. Hé ɡel ya sie lɛ, yaa hɛɡre a wa.

Yela 118:24 ပူးပေါင်းရင်းမြစ်များ

Yela 84:10

Nɛn soɡe he Dea tɔpebeŋkpoŋ ɡbo aa, a bɔ kɛ waa kaa di tɔpera kaɡboŋ bobɛl. N fe ɛɛ che Korowii maa dɛ tomɛ Dea doonyoa dɛɛ daah bela, dɛ́ ɡwaa kɛ maa kaa so nyubinikpeɡ tena deremi.

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

1 Koranar 8:66

Tɔ aa pera la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena ne Kooro Devid dɛ Solomɔn la wa.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

Sekaria 3:9

Hé na bwe maa kpɔa bil Josua sie. Baŋne anuanɛ lɔ bwe beŋkpoŋ la ta. Mɛɛ di ɡwinee dawɛ o taa, dɛ́ laa wechɔɡa aa lɔ harɛ nɔ ta kpɔ tɔpebeŋkpoŋ ɡbo. Men Koranar Bwa Kooroo bola.