Yela 116:1 - mzwDBL

¹ N dɛ nyin Korowii wa, dɛkalkɛ o no n be, o no n wii dɛ sune n nɛ.

Yela 116:1 ပူးပေါင်းရင်းမြစ်များ

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

Amanesoma Jɔn Aa Chwera Tɔn 16:24

He ta n sɔn kpɔe dɛ soŋe komɛlbwa bwa. Kɛ taraken te, hé kpɔ n sɔn soŋe, hɛɛ dɔɔ ásɛ he sie lɛ kohona.

Amanesoma Mak Aa Chwera Tɔn 12:33

A chɛ kɛŋɔ yá nyinu ya bambile ne ya liire ne ya bokpeɡa bwa ne, dɛ́ nyin ya dɔŋa kɛŋɔ yaa dɛ nyin ya ɡbaɡba la. A ɡɛ mmarare anɛ nɔ ta teŋaa wera ɡwaa ɡɛ bwa yaa kpoo kwaa dɛ fuah dɛɛ tɛ Korowii, dɛ che kwaa kaa tɛo.”

Yela 69:33

Korowii dɛ no nɛŋɡwɛɡra wii, waa nɛra baa laɡ ba do dea waa soh.

Yela 40:1

N wio no Korowii, dɛ lawɛ bambile dɛɛ kpao, asɛ o na n sum, dɛ no n wii.

Yela 119:132

Berɛ sie n be, dɛ́ na n sum, ɡɛ haa dɛ ɛ nɛra baa dɛ nyini bwa la.

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

1 Samoɛl 1:26

asɛ Hana bɔɔ sɔfo Eli ŋɔ, “N poori, n dɔɔ, he dɛ lii mɛ naa? Menee he faa na n che bonɔ dɛɛ soŋe Korowii la.

Nɛra Kura 21:3

Asɛ Korowii no ba wesoŋa la, dɛ laa nɔn kpɔ Keenan tena la nɛ, dɛ ɡel Israel tena pɔ ba nɛ. Ba kpoo ba, dɛ chɔɡ ba bwɛjena bwa. Anomanta, ba pa bela sɔn Hɔrma.

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

Yela 28:6

Hé ɡel ya kpɛɛ Korowii, dɛkalkɛ o sune n nɛɛ dɛ no n wii.

Aesaya 38:15

Ń bol ameo? Korowiirii bol a waa n be, dɛ ɡbaɡba berɛ ɛa. Suna aa lɔ n bambile bini nomanta, maa won dom chɔ.

Wiile 3:56

He no n waa maa kpɔa bil he sie. Bɛ deŋna tɔɔɡe, no n wii, dɛ́ ba cha mɛ.

Jona 2:3

He ɡɔɔ mɛ viɡri mpo vil ta, n chɔ nee bini, wɛɛ kile n ne, asɛ nehɛma bwa bɔle n nɛ.