Yela 115:12 - mzwDBL

¹² Korowii ɛɛ lii ya waa, dɛ swee yaa andɛɛɡa. Wɛɛ swee andɛɛɡaa tɛ Israel tena ne o sɔfore bwa.

Yela 115:12 ပူးပေါင်းရင်းမြစ်များ

Yela 136:23

Onee lii ya waa dɛ na ya sum, ɡɛ saŋ yaa lɔ wahala ta. O nyina lole saŋ bɛlbwa dɛɛ la.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Aesaya 44:21

Korowii ŋɔ, Israel tena, hé lii ɡɛ waa nɔ. N bonɔɔnaa heya. Menee ta heya. Maa he waa soh bwa.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Yela 67:7

Korowii ɛɛ swee yaa andɛɛɡaa, ásɛ nɛra baa lɔ harɛ jaɡa bwa ɛɛ tomɔ.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Mumpar 8:1

Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

Nɛra Kura 6:27

Korowii ŋɔ, “Gɛɛ Arɔn ne o bibaala ɛɛ ba sweera tɛ Israel tena, ásɛ n ɡel ba na som.”

Yela 135:19

Israel tena, hé kpɛɛ Korowii, hé nɛra haa ɛ o sɔfore ɡe kpɛɛro.