Yela 112:9 - mzwDBL

⁹ Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Yela 112:9 ပူးပေါင်းရင်းမြစ်များ

Yela 111:3

Jirima ne nyanyini lɔ waa waa dɛ ɛ ta. O waa toɡrɔ saŋ bɛlbwa dɛɛ la.

Yela 112:3

Kondɔɔh ne suuɡa ɛɛ do naate demii, ásɛ o wobɛlbwa do wer, ó ɛ kondɔɔh saŋ bɛlbwa dɛɛ la.

Yela 75:10

Wɛɛ sɔɔh kpeɡri nɛnchɔɡa aa dɛ di la nyoaa, kɛ nɛra ba wa aa toɡra te, wɛɛ berɔ tɛɛ ba bokpeɡa.

Yela 92:10

He ɡelɔ n do kpeɡri kɛŋɔ kpɔɡ bini nabal, dɛ swee mɛ andɛɛɡa, dɛ ɡel n dɔ silɛɛ.

Yela 92:11

N na n dɔma chola, dɛ no nyubinikpeɡ tena wii baa dɛ wi.

Sɛɡla 14:24

Wejereme kondɔɔh o wejema, asɛ ɡɛne ɡe we-ɛɛla ɡel baa jemɔ.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 21:26

O sie dɛ beɡre kohona o dɔ kwaa dɛɛ ja tɔpere bɛlbwa. Kɛ nɛn o wa aa toɡra la te ta tea dɛɛ tɛ kon, waa nɔn nyore.

Wejereme 11:6

Hɛɛ du kwaa yaa, he dua chɔɔ dɛ bɛ so pɛɛpɛɛ jɔmɔra ɡe. Haa won jemɛ anɔ la aa do wer, chɔɔ kɛɛ jɔmɔra kwaa laanee yoo. A laa ɡe aa, a bwa ken ɛɛ won do wer.

Wejereme 3:6

Kwaa bɔr ɡaaɡa dɛ́ naa dɔ a tɔpere, a bɔr bɛ ɡaaɡa tɔpere ɡe do le, kwaa nyoa boara tɔpere lole, a pae dɛ́ viɡri ɡe tɔpere do le,

Aesaya 32:8

Nɛn waa dɔ jirima te, o dɛ maɡle waa aa dɔ jirima dɛ́ ɛ, ásɛ a che a ta wɛɛ do kɛrɛdɛ.

Aesaya 58:10

dɛ tɛ nɛn waa chɔ lɔr kondikwa, dɛ tɛ nɛn waa dɛ na wahala o konnyini aa, ate, biro ɛɛ berɛ bochaahnee tɛ heya.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Matiu 6:4

Hé sɔh dɛ́ kɛo, ásɛ he Mɛɛ la waa dɛ na waa haa ɛa dɛɛ sɔh bwa la bɔ heyaa kem.”

Amanesoma Mak Aa Chwera Tɔn 14:7

Nyaara aa he be paŋa ba bwa. Dɛ he dɛ nyin ban wedɛɛɡa ɛɛ yaa, hɛɛ wonoo dɛɛ ɛɛ ba saŋ bɛlbwa. Kɛ n te, maa he bee do ka tonɛ.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 16:9

Yeesu berɔ ŋɔ ja ŋɔ, “Hé kpɔ he laala ne suuɡa aa ɛ harɛ nɔ ta kondɔɔh la dɛɛ nyin daamanar, ásɛ dɛ a baa hiah heya aa, bá won lɛ heyaa silɛɛ ne bwɛɛ waa wola chɔɡ bwa la ta.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Jɔn Aa Chwera Tɔn 13:29

Dɛ Judasee chɔ ba suuɡa bwa nyoa. Anomanta, dɛ ba bini bane dɛ lii kɛ Yeesu ken dɛ ŋɔ o be ŋɔ ó ka nyin tɔpejen la kondikwa. Dɛ ɡɛ laa ɡe aa, amɔ o ken ŋɔ ó ka tɛ nyaara suuɡa.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

We-ɛɛla 4:35

dɛ kpɔ a suuɡa dɛɛ ba Yeesu toroma la be, asɛ baa bɔna ɡɛ aa chɛ kɛ bɛlbwa dɔ.

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

Mmarare 15:11

Nyaara aa he binii paŋɛ harɛ la ta saŋ bɛlbwa. Anomanta, n dɛ do heyaa ŋɔ hé ta tea dɛ́ɛ cha a ɡɛ nɛra la.”

Mmarare 15:14

Tɛo he peera ne boohna ne mea dɛ sen haa dɔa la ane. Tɛo ɡɛ Korowii haa dɛ tomɔ nɔ aa ɡela he dɔ andɛɛɡa la.

Mmarare 24:13

Bɔr dɛ jo aa, berɛ kpɔ o yal ka tɛo ásɛ o kpɔ tɔ chɔ. Wɛɛ jaamee á baɡle kɛŋɔ he ɛ wedɛɛɡa Korowii haa dɛ tomɔ nɔ be.

1 Timoti 6:18

Ŋɔ ba be báa ɛ wedɛɛɡa, ásɛ wedɛɛɡa berɛ ba kondɔɔh, bá won ba tea tae dɛɛ kɛ nɛra bwa kwa.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Wepila 22:11

Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.