Yela 110:6 - mzwDBL

⁶ Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

Yela 110:6 ပူးပေါင်းရင်းမြစ်များ

Yela 68:21

Kasinteŋ, Korowii ɛɛ paɡre o dɔma nyuunee, banɔ la ba taa lɔ wechɔɡa ɛɛ ta la.

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Amanesoma Jɔn Aa Chwera Tɔn 5:22

Korowii ɡbaɡba aa nomɛlbwa waa bol dɛ́ pa bole. O tɛ o Bie la ŋwɛnɛ ŋɔ ó bol nomɛlbwa waa dɛ́ pa bole.

Maeka 4:3

Wɛɛ bol harɛre nɛra waa dɛ́ pa bole, dɛ́ kwaa harɛre nɛra baa kpeɡa baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Wepila 14:20

Nɔna baa sa a ta la cheɡɔ tɛ harɛ nɔ ta nɛra. Bwɛjen la daharaa ba sa ba nɛ, ba chal palɛ kaa kɛ kwansini lafraanɛ, a luŋri ɡe tel naɡale anɛ.

Aesaya 42:4

Waa koh, waa ɡwɛɡre ɡe, dɛ́ ka tel kɛŋɔ harɛ nɔ nɛra bwa aa ba jemɛ kasinteŋ ŋwɛnɛre la. Nɛra baa lɔ bojaŋ harɛre ta ɛɛ dɔ hwɛɡa o webaɡla taa.”

Habakuk 3:13

He leɔ ba kɛŋɔ he ba lɛ he nɛra, ne nɛn haa leo o ɛ kooro. He chɔɡ harɛ baa dɛ ɛ wechɔɡa o ta nomoa, dɛ lɛ o kpeɡri bwa.

Ɛsekeɛl 39:4

Israel bwejena taa hɛɛ ba sewa, he ne he laa tena bwa, ne harɛre ta laa tena baa ja he nɛɛ bwa. Mɛɛ kpɔe tɛ jumbii ne kpɔɡ bini olchɔɡa aa di konlala, he ɛ a kondikwa.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Aesaya 51:5

Mɛɛ bao warane, dɛ́ ba lɛɛ ba, ba lɛɛ tɔpere aa jaŋɛ kwara. N ɡbabirii dɛ nyiŋi harɛre nɛra nɛɛ dɛ́ ɡel ba jemɛ n kasinteŋ la. Bojaŋa harɛre nɛra bwa ɛɛ dɔ hwɛɡaa, dɛɛ nyiŋi lɛɛ maa dɛ ba ba lɛɛ la ŋwɛnɛ.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 11:3

Korowii duuraa dɛ́ lɛ o sie. Waa nɛra siebɔree nyiŋi dɛ́ pa bole, waa nɛra wobol taa teŋɛ dɛ́ pa bole.

1 Samoɛl 2:10

Nɛra baa ɛ hen Korowii dɔm bwa ɛɛ serewoo, hɛɛ kɔro kɛŋɔ bwaala le nyundua, dɛ́ ba chɔɡ ba. Hen Korowiirii dɛ́ ba bol harɛ nɔ nɛra bwa waa dɛ́ pa bole. Hɛɛ tɛ he kooro haa leo cheɡ kpeɡrii ó pɔ o dɔma nɛ.”

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Yela 68:22

Korowii ŋɔ, “Mɛɛ le he dɔma ne Basan harɛɛ ba, mɛɛ le ba ne mpo vile binii,