Yela 110:4 - mzwDBL

⁴ Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Yela 110:4 ပူးပေါင်းရင်းမြစ်များ

Mumpar 14:18

Belaa Salɛm Kooro Mɛlkesɛdɛk, waa ɛ Nemenɛ Korowii sɔfo la kpɔ paanoo ne sen ba tɛo,

Yela 132:11

He baɡɛ Kooro Devid nyoa, haa wola nyoa charɛ, dɛ ŋɔ, “Mɛɛ ɡeloo he naanar bini bɛl ba di he kara.

Sekaria 6:13

Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Hibru 5:6

Korowii bol bobɛl ɡe ŋɔ, “Hɛɛ ɛ Sɔfoo saŋ bɛlbwa dɛɛ la kɛŋɔ Mɛlkesɛdɛk.”

Hibru 6:20

Yeesu aa ɛ Sɔfonomoa saŋ bɛlbwa dɛɛ la kɛŋɔ Mɛlkesɛdɛk la, o koh ya waa dɛ tɔ sie ya nɛɛ jo bela mɔɔ ya ɡe ba.

Hibru 7:11

Gɛ saŋ Korowii aa tɛ o nɛra Mmara la, ɡɛ saŋee Lewi dea tena pa mun dɛɛ di sɔfore. Dɛ nɛra fe ɛɛ wonoo che saraha Lewi dea sɔfore la fa aa ɛa dɛɛ tɛɛ ba la ta dɛ ɛ nɛndɛɛɡa ka tonaa, a fe ta hiaih kɛŋɔ Sɔfo waa do kɛŋɔ Mɛlkesɛdɛk berɛ ba, dɛ́ ɡel onɔ la waa le Lewi dea dɛ do kɛŋɔ Arɔn.

Hibru 7:17

Maa dɛ ŋɔ nɔ, Korowii Tɔn di danseɛ o waa ŋɔ, “Hɛɛ ɛ Sɔfoo saŋ bɛlbwa dɛɛ la kɛŋɔ Mɛlkesɛdɛk.”

Hibru 7:21

Yeesu te la, ŋwɛɛraa Korowii ŋwɛɛ dɛ cheɡo Sɔfo. Ba baɡle a waa Korowii Tɔn bini ŋɔ, “N Naa Korowii ŋwɛɛrɔ, waa nyoa bera ba. ‘Hɛɛ ɛ Sɔfoo saŋ bɛlbwa dɛɛ la.’ ”

Hibru 7:28

Baa nyiŋi Mosis Mmara ta dɛɛ kpɔ Sɔfonomonome la, nɛra baa wola wone dɛɛ vɛh wechɔɡa kɛŋɔ nɛwɛnyina bwa aa doa laanee baa kpɔ. Kɛ Mosis Mmara la habɔɔ la, waa Korowii aa bola dɛ ŋwɛɛ o ɡbaɡba la, an ɡela o Bie ɛ Sɔfonomoa. O te vɛh wechɔɡa dɛ do kaih saŋ bɛlbwa dɛɛ la.

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.