Yela 11:6 - mzwDBL

⁶ Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 11:6 ပူးပေါင်းရင်းမြစ်များ

Mumpar 19:24

Buɡ la ta, Korowii chure nii ne jebɔrɔwe aa dɛ fuh le nyundua ta Sodom ne Gomoora dɛ chɔɡ ba.

Mumpar 43:34

Ba kpɔ Josef kondikwaa la ane ba bɔne ba. Ba tɛ Bɛnjamen bɔre anue, dɛ ɡwaa ɡɛ baa tɛ ba kar la. Ba di kondikwaa la dɛ vaɡre, dɛ nyɔ sen lɛ ba sie.

Job Tɔn 18:10

Ba harɛ bel ba ŋwɛnɛ ta, o chɔ dɛɛ kpaa ba.

Job Tɔn 18:15

Nomɛlbwa waa dɛ nyin o ka so ba deene la ta ɛɛ won ka so, kɛ bá kpɔ jebɔrɔwe merɛ a bwa bini mɔɔ.

Job Tɔn 20:23

Korowii ɛɛ kpɔ o bandia kohonaa ba ba nɛ, dɛ́ tɛr ba deŋne, saŋ ba ta aa lɔ kwaa la ta dɛɛ di la.

Yela 105:32

dɛ ɡel dombwea ber ba bwaala, asɛ bwaala kɔɡre dɛɛ nyɛɡle.

Yela 16:5

N Naa Korowii, henee n komɛlbwa, hen tɛ mɛ anɔ la maa dɛ nyin bwa, n kerekere waa bwa lɔ he nɔn ta.

Yela 18:13

Nemenɛ Korowii bol waa nyundua, a do kɛŋɔ bwaala aa kɔra ken, asɛ ba no o taa bobɛlbwa.

Yela 32:10

Nyubinikpeɡ tena wenaale warɔ taeh, kɛ Korowii nyina aa wola jaɡa dɔe la, dɛ tɔ nɛn waa dɛ yaradao la nɛ.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Jeremia 13:25

Anɔ la aa chɛ kɛŋɔ hé dɔ laanee la, anee n maɡɛ tɛ heya, dɛkalkɛ he vɛɛh mɛ dɛ kaa tomɛ voɡare a wa aa wola kasinteŋ dɔe. Men Korowiirii bola.

Ɛsekeɛl 13:13

Nemenɛ Korowii ŋɔ o baah diu wɛɛ ba ɡela peukpeɡ ta, ásɛ bwaala nɛ kohona dombwea lee, dɛ́ chɔɡ danjwɛɛ la.

Ɛsekeɛl 38:22

Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.

Habakuk 2:16

Jirima he fe aa dɔ la ɛɛ berɛ sihiih. He saŋ telo name, hé nyɔ dɛ́ chɔ mumɡbal! Korowii ɛɛ ɡeloo he ɡbaɡba nyɔ o danana nee aa su numol, ásɛ ncho dii tɔ jirima he fe aa dɔ la ta.

Amanesoma Luk Aa Chwera Tɔn 17:29

Awola Lɔt aa le Sodom dɛɛ kaa la, Korowii ɡelɔ nii ne jebɔrɔwe aa dɛ fuh le nyundua dɛ ba fuh Sodom tena bwa kwaraa.

Amanesoma Jɔn Aa Chwera Tɔn 18:11

Pita aa ɛ ɡɛ la, Yeesu ŋɔ o be ŋɔ, “Kpɔ kere la su o tɔɔ ta! N bɛ wahala n Mɛɛ aa cheɡa ŋɔ ń na la na kɛɛ?”

1 Samoɛl 1:4

Saŋ bɛlbwa waa ka kpoo kwaa ɛ saraha la, o yon kpɔ o ola waa dɔa la ane ba tɛ Pɛnena, dɛ kpɔ ane ɡe tɛ bii la bɛlbwa.

1 Samoɛl 9:23

Samoɛl ŋɔ nɛn waa dɛ daa kondikwa la be ŋɔ, “Kpɔ oldɛɛɡe maa ŋɔa he kwaa cheɡ mɛ la ba.”