Yela 11:4 - mzwDBL

⁴ N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Yela 11:4 ပူးပေါင်းရင်းမြစ်များ

1 Webena 17:5

Le awola tɔpere maa kpɔ Israel tena le Ijipt harɛ ta ba le fini, n ta dea bini soɡe bwa. Tɛnte dea binii mɛɛ so ba kpɔ mɛ dɛɛ ɡaaɡe.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Job Tɔn 24:23

Korowii ken ɛɛ ɡeloo ba bwara sɔɔh ba ba soɡa bini, kɛ dɛ o sie lɔ ba we-ɛɛla ta.

Yela 103:19

Korowii kpɔ o kookara cheɡ nyundua, dɛɛ di kora harɛ nɔ nɛra bwa nɛ.

Yela 113:5

Umee do kɛ Korowii yaa dɛ tomɔ, o so o kookara ta nyundujaɡla,

Yela 139:23

N Naa Korowii, pese mɛ kɛrɛdɛ, dɛ́ jemɛ n liire, daah mɛ na, dɛ́ jemɛ n nyu bini.

Yela 14:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Yela 18:6

N wahala bini n wio no hen Korowii ŋɔ hé lɛɛ mɛ, n wio no hen Korowii maa dɛ tomɛ ŋɔ, hé cha mɛ, he no n taa he Dea la bini, n wii la tel he be, asɛ he no.

Yela 2:4

Korowii soɡe o kookara ta nyundua dɛɛ mam ba, ba waa ɛ wesale o be.

Yela 33:13

Korowii soɡe nyundua, dɛɛ na nɛwɛnyina bwa harɛ ta.

Yela 44:21

he fe nao, dɛkalkɛ, he jemɛ ya nyu bini liire aa sɔah bwa.

Yela 66:7

O cheɡɛ o kpeɡri ta dɛɛ di kora saŋ bɛlbwa. O sie lɔ harɛ nɔ ta nɛra bwa nɛ, deŋnekpeɡ tena bɛ habɔɔ berɛ kpoo.

Yela 9:11

Hé ɡo yela kpɛɛ Korowii waa dɛ di kora Saayɔn. Hé bol waa waa ɛa harɛre nɛra bwa be.

Sɛɡla 15:3

Korowii dɛ na bobɛlbwa, o dɛ nyiŋi wechɔɡ-ɛɛra ne wedɛɡ-ɛɛra bwa.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Matiu 23:21

Asɛ nomɛlbwa waa ŋwɛɛ Korowii Dea la, Korowii ne Dea la bwaa o ŋwɛɛ la.

Matiu 5:34

Kɛ n dɛ ŋɔ he be ŋɔ, he bɛ ŋwɛɛ kwaraa. He bɛ nyundua ŋwɛɛ, dɛkalkɛ Korowii soŋnibɔree.

We-ɛɛla 7:49

‘Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Wepila 4:2

Buɡ la ta, Korowii Domadɛɛɡe la den ir n nɛ, asɛ n na kɛŋɔ kookara bɛl cheɡɛ nyundua, nomɛl so o ta.