Yela 108:1 - mzwDBL

¹ N Naa Korowii, he nɛɛ mɛɛ hwɛɡɛ kohona, mɛɛ ɡo yelaa kpɛɛre n bambile bwa ne.

Yela 108:1 ပူးပေါင်းရင်းမြစ်များ

Yela 145:21

Mɛɛ kpɛɛ Korowii saŋ bɛlbwaa. Korowii kontaala bwa, hé kpɛɛ o sɔn waa do ɡoroŋ la, saŋ bɛlbwa dɛɛ la.

Yela 104:33

Mɛɛ ɡo yelaa kpɛɛ Korowii n soɡa bini bwa, n ta soɡe le tenaa, mɛɛ ɡo yelaa dɛ́ kpɛɛ Korowii maa dɛ tomɔ.

Yela 71:15

Mɛɛ bol he wedɛɛɡa ɛɛ waa, dɛ́ bol lɛɛ haa dɛ lɛ nɛra tɔpebir bwa wa, a lole kɛ a ɡwaa n liire ta kɛ ń won jemɛ.

Yela 68:1

N Naa Korowii, ir nyu ne ásɛ dɛ lɔ he dɔma peɡre, he dɔma ɛɛ chwao le he sie.

Yela 71:8

Tɔpebir bwaa mɛɛ kpɛɛre, dɛɛ baɡle ɡɛ he jirima aa doa.

Yela 34:1

Mɛɛ kpɛɛ Korowii saŋ bɛlbwaa. Maa o jaamaa ɡel bwa.

Kaala 15:1

Belaa Mosis ne Israel tena la ɡo yel kpɛɛ Korowii ŋɔ, “Mɛɛ ɡo yelee kpɛɛ Korowii, dɛkalkɛ o lɛ sɔn kohona. O kpɔ jaɡre ne nɛra baa soɡe a ta bwa ka do mpo bini.

Yela 30:12

Anomanta, maa nyoa tɔ, mɛɛ ɡo yelaa dɛ́ kpɛɛre. Korowii maa dɛ tomɛ, mɛɛ kpɛɛre saŋ bɛlbwa dɛɛ la.

Yela 16:9

Anomanta, n sie lɛo mɛɛ jam hen Korowii, maa wobɛlbwa ɔmɛ kpa,

Yela 138:1

N Naa Korowii, mɛɛ kpɛɛre n bambile bwa nee, mɛɛ ɡo yelaa kpɛɛre voɡa sie.