Yela 107:1 - mzwDBL

¹ Hé kpɔ jam tɛ Korowii, dɛkalkɛ o waa wer, o nyina waa dɛ nyin yaa lole saŋ bɛlbwa dɛɛ la.

Yela 107:1 ပူးပေါင်းရင်းမြစ်များ

Yela 106:1

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

1 Webena 16:34

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

2 Webena 7:3

Israel tena la bwa aa na nii la ne Korowii jirima la, ba ɡuŋo, dɛ kpɔ sie pi harɛ bobɛl baa mao bwea ne o ir nyundua, dɛɛ kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.”

Yela 105:1

Hé jam Korowii dɛ́ yerɛ o sɔn, hé ɡel harɛre nɛra bwa jemɛ waa waa ɛa.

Yela 100:5

Korowii waa wer, o nyina waa dɛ nyin yaa ne o kasinteŋ lole saŋ bɛlbwa dɛɛ la.

Yela 118:1

Hé kpɔ jam tɛ Korowii, dɛkalkɛ o waa wer. O nyina waa dɛ nyin yaa lole saŋ bɛlbwa dɛɛ la.

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Yela 103:17

Nɛra baa dɛ ɔmɛ Korowii la te, o nyina lɔ ba nɛɛ saŋ bɛlbwa dɛɛ la, asɛ dɛɛ ɛ ba bii ne ba naanar andɛɛɡa saŋ bɛlbwa dɛɛ la.

2 Webena 20:21

Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

1 Webena 16:41

Nɛra baa ja ba nɛɛ laanee, Heman ne Jedutun, dɛ banɔ la bwa baa lee ba cheɡ ŋɔ bá ɡo yela dɛɛ jam Korowii, dɛkalkɛ o nyina lole saŋ bɛlbwa dɛɛ la.

Yela 119:68

He waa wer, he wobɛlbwa ɡe wer, chaɡ mɛ he waa la.

Matiu 19:17

Anee Yeesu ɡe berɛ pɛɛro ŋɔ, “Ɛrɛ waa hɛɛ pɛɛ mɛ wedɛɛɡa ɛɛ waa nɔɔ? Korowii ɡbosoo ɛ nɛndɛɛɡe. Kɛ dɛ he dɛ nyin kɛŋɔ he dɔ mkpa aa wola jaɡa dɔe bwa te naa, dɛɛ ɛ waa Korowii Mmarare la aa dɛ chaɡle la.”