Yela 106:8 - mzwDBL

⁸ Kɛ he lɛɛ ba ɡɛ haa baɡ ba nyoa la, dɛ baɡle ɡɛ haa dɔ kpeɡri kohona.

Yela 106:8 ပူးပေါင်းရင်းမြစ်များ

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Ɛsekeɛl 20:14

Kɛ maa dɛ nyin n sɔndɛɛɡe nomanta, n ɡelɔ ásɛ harɛre ta nɛra baa lɔ bela dɛ na kɛŋɔ, n laɡ ba le Ijipt harɛ ta la bɛ n sɔnchɔɡe yerɛ.

Tɔn Pɔɔl Aa Chwerɛ Rom Tena 9:17

Ba chwerɛ Korowii Tɔn bini ɡɛ Korowii fa aa ŋɔ Ijipt kooro be la. Anee kɛŋɔ, “N ɡelɔ he ɛ kooro ásɛ nɛwɛnyina bwa che he nɛɛ dɛ na ɡɛ maa dɔ kpeɡri, asɛ dɛ yerɛ n sɔn harɛ ta bobɛlbwa.”

Ɛsekeɛl 20:44

N koh n sɔndɛɛɡe waa dɛ ɛ waane aa, hɛɛ jemɔɔ kɛŋɔ menee Korowii, dɛkalkɛ maa heyaa ɛ ɡɛ aa chɛ kɛŋɔ bá ɛ wechɔɡ-ɛɛra. Men Nemenɛ Korowiirii bola dɛɛ baɡle he Israel tena bwa.”

Ɛsekeɛl 20:22

Ate, n berɛ lawɛ bambile, dɛkalkɛ aa chɔɡ n sɔnee harɛre nɛra baa naa n lawɛ Israel tena le Ijipt harɛ ta, ba siwi ta la.

Jeremia 14:21

Lii nyoa haa baɡɛ yaa la, dɛ bɛ yaa nyiŋi vah, bɛ ɡel Jerusalam tena di sihiih, belaa he kookara che dɛ dɔ jirima la. Bɛ fɔo ya ne haa fɔwa la chɔɡ.

Josua 7:9

Keenan tena ne nɛra baa lɔ harɛ la ta bwa ɛɛ no waa nɔɔ, dɛ́ ba bar yaa, dɛ́ kpoo yaa, dɛ́ ɡel ya sɔn nyoɡre harɛ nɔ ta. Ɛrɛɛ nɛra ɛɛ ba ɛɛ dɛ́ jemɛ kɛŋɔ he sɔn kan ɔ?”

Kaala 15:6

N Naa Korowii, he nɔn diɡ dɔ jirima kpeɡri do o ta, he kpɔ chɔɡ ya dɔma.

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Yela 143:11

N Naa Korowii, lɛɛ mɛ ɡɛ haa baɡ mɛ nyoa la, che he toɡra haa toɡra ta, dɛ́ lɛɛ mɛ le n wenaale ta.

Yela 111:6

O ɡelɔ o nɛra na o kpeɡri waa kpɔa dɛɛ ɛ toma, dɛ lɛ harɛre nɛra bane harɛre tɛɛ ba.

Kaala 18:8

Asɛ Mosis bol o helabaa be ɡɛ bwa Korowii aa koh Israel tena wa dɛ ɛ Ijipt kooro ne o nɛra, dɛ laɡ ba le ba harɛ ta. O berɔ bol ba wekpeɡa baa naa ŋwɛnɛ ta, ne lɛɛ Korowii aa lɛɛ ba bwa la wa.

Josua 4:24

Korowii ɛ ɡɛ waa nɔ ásɛ harɛ nɔ ta nɛra bwa jemɛ kɛŋɔ o kpeɡri kan, ásɛ hɛɛ duu Korowii haa dɛ tomɔ saŋ bɛlbwa.’ ”

1 Samoɛl 12:22

Korowii ŋwɛɛrɔ ŋɔ, waa o nɛraa vɛh. O sie lɛo kɛŋɔ ó kpɔ heyaa ɛ o nɛra.

Yela 23:3

O dɛ tɛ mɛ bokpeɡfala, dɛ tɔ n sie dɛɛ baɡ mɛ ŋwɛnɛdɛɛɡa, o sɔnjen la wa.

Aesaya 48:9

N sɔn ne kpɛɛra waa mɛɛ lawɛ bambile he nɛ, ásɛ dɛ bɛ heyaa ba chɔɡ.