6 Ya ɛ wechɔɡa kɛ ya naawa ken, ya ɛ nyubinikpeɡ dɛ koni.
Kɛ ya naawa ɛ mbarafo ne deŋnekpeɡ, dɛ vɛh waa haa do ba a ta la ta teŋa.
Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.
hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’
Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,
Hé takapɔ dɛ ɛ wechɔɡa la he naawa aa pa mun ɛa la ka tonɛ.
Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”
Ya ɛ nyubinikpeɡ, dɛ jo he nɛɛ kɛrɛdɛ. Ya ta waa he fa aa kpɔa tɛ he bonɔɔ Mosis dɛɛ do yaa a ta, ne mmarare la ta teŋɛ.
Taraken, he iro kɛŋɔ wechɔɡ-ɛɛra dɛ chiɡ he naawa naa ta, dɛɛ ba ɡela Korowii baah di kohona Israel tena nɛ.
N Naa Korowii yaa dɛ tomɛ, anɔ bwa habɔɔ, ɛrɛɛ yaa ba wona bol ɔ? Dɛkalkɛ ya ta waa haa do yaa a ta teŋɛ,
Ya na ya wechɔɡa ne ya naawa bolchɔɡe baa dia, ya bwa ɛ wechɔɡa dɛ jo he nɛɛ kohona.
