Yela 104:5 - mzwDBL

⁵ He kpɔ harɛ chɔŋɛ kwaa ta a lawɔ kpoŋe, o che kiŋkiŋ waa wola yiiɡi bwa.

Yela 104:5 ပူးပေါင်းရင်းမြစ်များ

Job Tɔn 26:7

Korowii paɡri weekaŋle nyunduabɔr bɔle, bela komɛlbwa aa wola toole, o ta ɡelɛ harɛ saɡɛ komɛlbwa ta o lawɔ kpoŋe.

Yela 24:2

Onee pa harɛ mun o chɔŋɛ nee sie, dɛ ɡel kwaa aa lawɔ kpoŋe che viljena ta.

Yela 33:9

Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

Yela 96:10

Hé ɡel harɛre nɛra bwa no kɛŋɔ, “Korowii dɛ di kora! O ta harɛ o che kiŋkiŋ waa wola yiiɡi, dɛ bol nɛra bwa waa dɛɛ pa ba bole ɡɛ aa chɛa.”

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Yela 136:6

Onee ta harɛ o chɔŋɛ neerare sie. O nyina lole saŋ bɛlbwa dɛɛ la.

Yela 93:1

Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

Wepila 6:14

Asɛ Korowii doa nyoɡre n siwi ta kɛŋɔ baa ɡuɡri kalaŋ la. Bwejaŋa ne ekwie ɡe chuɡri le a buɡe ta kaa.

Wejereme 1:4

Nɛra dɛ sewɛ, baa lolɛ banfala, kɛ harɛ nɔ ta do ɡɛ waa doa.

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.

Yela 119:90

He kasinteŋ lole ka tel ya naanar baa teŋɛ dɔŋa nɛɛ bwa. Henee kpɔ harɛ cheɡ o chebɔr asɛ o do le.

Sɛɡla 8:29

N lole o maɡɛ bela mpo aa dɛɛ jaɡɛ, dɛ ŋɔ o bɛ bela ba ɡarɛ, ne ɡɛ saŋ waa pe harɛ mun.