Yela 103:13 - mzwDBL

¹³ Gɛ mɛɛ yon dɔ tedoma o bii nɛɛ la, ɡɛɛ Korowii tea ɛɛ domɔ nɛra baa dɛ ɔmɔ nɛ,

Yela 103:13 ပူးပေါင်းရင်းမြစ်များ

Yela 103:11

Gɛ harɛ ne nyundua baah aa do jaŋa la, ɡɛɛ o nyina do kan nɛra baa dɛ ɔmɔ la nɛ.

Yela 103:17

Nɛra baa dɛ ɔmɛ Korowii la te, o nyina lɔ ba nɛɛ saŋ bɛlbwa dɛɛ la, asɛ dɛɛ ɛ ba bii ne ba naanar andɛɛɡa saŋ bɛlbwa dɛɛ la.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Sɛɡla 3:12

Nɛn Korowii aa dɛ nyin la, onee wɛɛ kah, kɛŋɔ mɛɛ yon dɛɛ toɡre o binyini la.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Lewi Dea Tena 26:44

Dɛ ba ta lɔ ba dɔma harɛre ta kwaraa naa, maa ban ɡel, mɛɛ chɔɡ baa kɛŋɔ baa chɔɡ n ne ba fɔo yaa fɔwa la. Menee Korowii haa dɛ tom mɛ la.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Nɛra Kura 11:12

Menee kpoŋe ɡɛ nɛra nɔ bwa teene dɛ lol ba kɛɛ? Ɛrɛɛ he ŋɔ ń nɔɡ ba kɛ haah ne bie, dɛ́ kpɔ ba kaa harɛ haa baɡɛ ba naawa nyoa dɛ ŋwɛɛ ja a ta la ta nɔɔ?

Matiu 6:32

Nɛra baa wola Juu tena ɛɛ, baa wola Korowii tomɛ la liiree dɛɛ do a ɡɛ kwaa nɔ ta. Kɛ he Mɛɛ waa lɔ nyundua la jemɔ kɛ he dɛ nyin anɔ bwa.

Matiu 6:9

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura.

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

Mmarare 3:5

Ba ma danjwɛkpeɡa a kaa nyundua bar bwɛjena la bwa, dɛ kpɔ bune dɛɛ kaɡre a doonyoone. Dɛ bwɛjeɡre baa wola danjwɛɛ mae bara ɡe warɛ bela.