Yela 103:10 - mzwDBL

¹⁰ Waa ya deŋne tɛr ɡɛ aa chɛa, kɛɛ dɛɛ bɔ yaa ya wechɔɡa kem.

Yela 103:10 ပူးပေါင်းရင်းမြစ်များ

Ɛsra 9:13

Waa aa pu yaa nɔ bwa le ya wechɔɡa aa ɡela ya di bolchɔɡe la. Kɛ ane a bwa, N Naa Korowii yaa dɛ tomɛ, tamaa kenii he tɛr ya deŋne. He ta ɡelɛ a ɡwaa ya nɛ, dɛ ɡel ya bini bane dɔ ya nyuune dɛ ta so le.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Yela 130:3

Dɛ he fe chwerɛ nɛn wechɔɡa waa dɛ ɛ dɛɛ bil aa, umee dɛ́ fe leɔ?

Nehemia 9:31

Kɛ he nɛn nɛɛ suna aa kana nomanta, he ta ban vɛɛh kɛɛ dɛ chɔɡ ba. He ɛ Korowii haa dɛ sune nɛra nɛɛ dɛɛ na ba sum.

Job Tɔn 11:6

Dɛ ɡel he jemɛ kɛ wejema fuuh, waane lole dɛ ɡwaa nɛwɛnyina liire ta. Korowii fe chɛ kɛ ó tɛr he deŋne ɡwaa ken.

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Job Tɔn 33:27

Asɛ bɛlbwa ba che nɛra baah ta dɛ ŋɔ, ‘N ɛ wechɔɡa, dɛ le waa aa toɡra ta, Korowii ta ɡelɛ n dɔ deŋnetɛra aa chɛ mɛ.