Yela 102:18 - mzwDBL

¹⁸ Hé chwerɛ waa Korowii aa ɛa nɔ bil tɛ naanar baa ka ba kerekere, ɡɛ aa ɛ nɛra baa wola ban lolɛ mɔɔ la kpɛɛro.

Yela 102:18 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 15:4

Wobɛlbwa ba fa aa chwera la, dɛ yanee ba chwera tɛ kɛŋɔ yá hweli waa le a ta. A ɡɛ waa nɔɔ dɛɛ ja yaa bambile dɔe ta, dɛɛ do yaa ɡbemba, ásɛ a che a ta ya dɔ hwɛɡa.

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

2 Pita 1:15

Mɛɛ takapɔɔ dɛ́ ɛ ɡɛ bwa maa won ɛ, ásɛ dɛ n ba toole kwaraa naa, he won dɛɛ lii waa nɔ saŋ bɛlbwa.

1 Kɔrent 10:11

Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Yela 71:18

Hale n hwɛɛhrɔ n nyumpona to kwaraa naa, N Naa Korowii, bɛ men ta. Ja n nɛ, ásɛ n bol he kpeɡri ne he kan haa doa waa baɡle n naanar baa ka ba bwa.

Yela 48:13

hé nyiŋi o danjwɛɛre ne o danjwɛkpeɡa, dɛ́ dɔ waa bol baɡle he naanar baa ka ba,

Kaala 17:14

Asɛ Korowii ŋɔ Mosis be ŋɔ, “Chwerɛ ɡɛ waa nɔ do tɔn bini á ɛ waa aa chɔ kerekere. Gel Josua no dɛkalkɛ n dɛ ba Amalɛk tena chɔɡa baa wola ba waa no harɛ nɔ ta bobɛlbwa kpa.”

Yela 69:34

Korowii kontaala aa lɔ nyundua ne harɛ kwaa bwa kpɛɛ Korowii, mpo ne kwaa aa lɔ o bini bwa ɡe kpɛɛro.