Yela 101:5 - mzwDBL

⁵ Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

Yela 101:5 ပူးပေါင်းရင်းမြစ်များ

Yela 18:27

He dɛ lɛ nɛra baa pwɛra, kɛ mbarafo tena te, he dɛ ba ba ne harɛ.

Yela 15:3

nɛn waa wola o dɔŋ wechɔɡe bol, nɛn waa wola o dɔŋ wechɔɡa ɛ, dɛ nɛn waa wola o dɔŋ waa kpɔe dɛɛ perɛ,

Sɛɡla 30:13

Nɛra bane dɛ ɛ mbarafo, dɛɛ nyiŋi nɛra nyubaahna.

Yela 50:20

He won soɡa dɛɛ bol he dɔŋa bwara wechɔɡa, dɛɛ chɔɡ he ɡbaɡba nyabii.

Taetos 2:3

Ŋɔ hanjeni ɡe be báa ɔmɛ Korowii dɛ́ ɡel ba we-ɛɛla do kaih, dɛ bɛ nɛra dɛɛ ŋwalɛ, dɛ bɛ ɡel sen lɛ ba liire. Báa baɡle waa aa wera.

1 Kɔrent 5:11

Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Sɛɡla 20:19

Nɛn waa dɛ ɡaaɡe la dɛ taa nyokpɛl, anomanta, laa he te kpɔ nɛn waa dɛ bol waa kohona nɛ.

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Sɛɡla 25:23

Gɛ dɔŋ bwara waa bola aa dɛ ba bandia ne la, ɡɛɛ peu waa taa le bobɛl dɛɛ ba bwaala nee ne la do.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Yela 138:6

A lole kɛŋɔ he lɔ nyundujaɡla dɛɛ nyiŋi nɛŋɡwɛɡra nɛ, kɛ mbarafo tena te, he dɛ na ba.

1 Samoɛl 2:3

Gel mbarafo wobol bola, bɛ wobosale dɛɛ bol. Hen Korowii te, he jemɛ wobɛlbwa, he jemɛ wobɛlbwa nɛn aa dɛ ɛ, dɛɛ pa a bole.

Lewi Dea Tena 19:16

He bɛ he dɔŋa waa kpɔ ɡaaɡe dɛ́ teŋe nyosone dɛɛ dawɛ ba nɛ. Dɛ seo nyoa he dɔŋ che naa, bɛ on chɔɡ. Men Korowiirii bola.

Kaala 23:1

Korowii berɔ ŋɔ Mosis be ŋɔ, “He bɛ waa haa wola a bini jemɛ kɛrɛdɛ kpɔ dɛɛ ɡaaɡe. He bɛ dansewea di cha nɛnchɔɡe.

Kaala 20:16

He bɛ dansewea dɛɛ di.

1 Timoti 3:11

Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.