Yela 101:2 - mzwDBL

² Mɛɛ dɛɛ nyiŋi n we-ɛɛla bini kɛrɛdɛɛ. Saŋ besoo he ba cha mɛ nɔ? Mɛɛ kpɔ bambidɛɛɡee so n dem,

Yela 101:2 ပူးပေါင်းရင်းမြစ်များ

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Koranar 11:4

Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 9:4

Dɛ hen Solomɔn tom mɛ kɛrɛdɛ, dɛ teŋɛ me Mmarare ne waa maa doe a ta ɡɛ he mɛɛ Devid aa ɛa la aa,

2 Webena 15:17

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Yela 101:6

Mɛɛ ɡeloo n sie do n nɛra Israel tena ba wa aa dɔ kasinteŋ la nɛ, ásɛ n ne ba pɛ so n koodem. Nɛra ba wa aa wera kɛrɛdɛ laanee mɛɛ ba ɡela baa tom mɛ.

Yela 119:106

N ŋwɛɛrɔ kɛrɛdɛ kɛŋɔ mɛɛ teŋɛ he Mmarare aa toɡra la taa.

Yela 119:115

Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!

Yela 26:11

Kɛ n te, n waa toɡrɔ, sune n nɛ, dɛ́ lɛɛ mɛ!

Yela 40:17

N nyao, dɛ ɛ nɛŋɡwɛɡre, kɛ he ta n waa soɛh. Henee Korowii maa dɛ tomɛ, henee ɛ n Lɛɛ, n poori, ba warane, dɛ́ ba cha mɛ.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Aesaya 38:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Mmarare 6:7

Hé kpɔa baɡle he bii. Hɛ́ɛ dalawe a ta, he dem soɡa bini ne ŋwɛnɛ bɛlbwa haa dɛ kaa, hale he chɔe ne he ira bini bwa.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

1 Samoɛl 22:14

Sɔfo Ahemɛlɛk chaŋe kooro ŋɔ, “He nomonome nɔ bwa bini ume waa dɔ kasinteŋ kɛ Devid waa ɛ he hela, dɛ berɛ chɔ nɛra baa dɛ daahne nyoa, dɛ dɔ duure kohona he dem ɔ?