Yela 100:2 - mzwDBL

² Hé kpɔ silɛɛ tomɔ, dɛ́ kpɔ silɛɛ yela ba o sie!

Yela 100:2 ပူးပေါင်းရင်းမြစ်များ

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Yela 71:23

Mɛɛ do lɔŋɔre silɛɛ nee, mɛɛ ɡo yelaa kpɛɛre, he lɛɛ haa lɛɛ mɛ la wa.

Yela 95:2

Hé ɡel ya ba o sie ba jaamo, dɛ́ ɡo silɛɛ yela kpɛɛro.

Mmarare 28:47

dɛkalkɛŋɔ he ta silɛɛ ne bambidɛɛɡe kpɔe tomɛ Korowii saŋ waa ɡela he do wer wobɛlbwa ta la.

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

1 Koranar 8:66

Tɔ aa pera la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena ne Kooro Devid dɛ Solomɔn la wa.

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.