1 Harɛ nɔ nɛra bwa, hé ɡo silɛɛ yela kpɛɛ Korowii.
N Naa Korowii maa dɛ tomɛ, ne n kooro, mɛɛ jaame saŋ bɛlbwaa dɛɛ la.
He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.
Harɛre bwa nɛra, hé lɔ kpaŋa, á baɡle kɛ he sie lɛo, hé do lɔŋɔre kpɛɛ Korowii silɛɛ yela ne.
Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.
Nɛra haa lɔ harɛ nɔ ta, hé ɡo silɛɛ yela kpɛɛ Korowii!
Harɛre nɛra bwa dɛ tomɛ, dɛ ɡo yela dɛɛ kpɛɛre, ba ɡo yela dɛɛ kpɛɛ he sɔn.”
Gel harɛre nɛra bwa ɡo silɛɛ yela, dɛkalkɛŋɔ he bol waa dɛɛ pa bole aŋwɛnɛ ta, dɛɛ baɡ ba ŋwɛnɛ baa kpɔ o ta.
Harɛre nɛra, hé ɡo yela kpɛɛ Korowii, hé ɡo yela kpɛɛro,
Harɛ nɔ ta nɛra bwa, hé ɡo silɛɛ yela kpɛɛ Korowii, hé ɡo yela kpɛɛro dɛ́ moo silɛɛ ne.
Israel tena, hé ɡo yela silɛɛ ne, dɛ́ kpɔ takpeɡ kpɛɛ Korowii. Jerusalam tena, hɛ́ɛ hɛɡre bambile bwa ne!
Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.
Baa wili Ɔlevere Bwejen la dɛɛ tel Jerusalam la, Yeesu habɔɔ nɛra la bwa sie lɛo, baa kpɛɛ Korowii kohona kɛŋɔ waa ɛ nyokpowaa ba na la.
Dɛ berɛ chaɡle bobɛl ɡe ŋɔ, “He nɛra haa wola Juu tena ɛɛ, hé pu Israel tena hɛɡre.”
Harɛre nɛra, hé pu Korowii nɛra hɛɡre. Korowii dɛ tɛr nɛra baa dɛ kpoo o nɛra deŋne. O dɛ bɔ ba dɔma kem dɛɛ tɛɛ ba, dɛ kpɔ o nɛra wechɔɡa dɛɛ kɛ ba.”
