Yela 10:9 - mzwDBL

⁹ Ba dɛ sɔh dɛɛ kpa kɛŋɔ nyujente ken, dɛ́ pɛɡle lawɛ nɛra baa wola nomɛlbwa dɔe ó lɛɛ ba, dɛ́ laɡ ba, dɛ́ tɛɡ ba kaa.

Yela 10:9 ပူးပေါင်းရင်းမြစ်များ

Job Tɔn 38:40

ɡɛ saŋ aa sɔh a bɔɔne bini, kɛɛ dɛ chɔ dɛɛ kpa, dɛɛ nyin ola dɛ́ lawɛ di la aa?

Yela 109:31

dɛkalkɛ o dɛ che nyaara habɔɔ, dɛ lɛɛ ba dɛɛ le nɛra baa kpoo ba nɔn ta.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 140:5

Mbarafo tena sɔɔh dɛ haɡre mɛ bela, ba kpɔa bil ŋwɛnɛ maa dɛ kpɔ o ta la ta, ásɛ dɛ dɔɔ mɛ lawɛ.

Yela 17:12

Ba do kɛŋɔ nyujente lɔr aa dɛ kpoo, wɛɛ nyin ol dɛ́ lawɛ, dɛɛ nyin mɛ dɛ́ toɡri n ola.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 37:14

Nyubinikpeɡ tena kpɔ ba tokobie, dɛ harɛ ba tori kpa. Ba dɛ nyin bá kpoo nyaara ne nɛŋɡwɛɡra, dɛ́ kpoo nɛra ba wa aa toɡra,

Yela 59:3

Na ɡɛ baa kaa sɔh dɛɛ kpaah mɛ! Nɛnchɔɡa dɛ vɔrɔwe n vɔrɔwa, kɛ dɛ n ta wechɔɡa bɛlbwa ɛɛ.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Sɛɡla 22:16

Nɛn waa ɛɡre nyaara dɛ dɔ kwaa dɛɛ ja la, ne onɔ la waa kpɔ kwaa dɛɛ kɛ dɔɔhna la, ba bwa dɛ nya.

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Aesaya 3:15

Ɛrɛɛ hɛɛ ɛ ɡɛ nɔɔ? Haa kɛrɛdɛ ɛ ɡɛ haa dɛ fɔɡɛ n nɛra, dɛ pa nyaara kwa, dɛ lawɛ ba sie dɛɛ teɡɛ harɛ nɔ. Men Korowii, Koranar Bwa Kooroo ŋɔa.”

Aesaya 32:7

Nɛn waa dɛ neɡre nɛra ɛ nɛnchɔɡe, wechɔɡa liiree wɛɛ lii, dɛ che neɡra ta dɛɛ chɔɡ nyaara ba wa aa suma, dɛɛ tɔ ba kasinteŋ ŋwɛnɛ.

Jeremia 5:26

Wechɔɡ-ɛɛra soɡe n nɛra bini, dɛ chɔ dɛɛ kpa kɛŋɔ nɛra yon harɛ bela dɛɛ lawɛ jumbii, ne bela baa hara dɛɛ lawɛ nɛra ken.

Wiile 3:10

O sɔh kpɔɡ bini kɛŋɔ sisire, kɛɛ nyujente dɛɛ nyin mɛ dɛ́ lawɛ.

Ɛsekeɛl 22:29

Harɛ la ta, nɛra ɛɡre nɛra dɛɛ lɛ ba kwa, dɛɛ faah nɛŋhɔɔhra ne nyaara, baa waa bolɛ dɛɛ tɛɛ ba aŋwɛnɛ ta.

Emɔs 3:4

Nyujente dɛ si kɔr bini dɛ ol laa o dɔ lawaa? Wɛɛ do o bɔɔ binii dɛɛ ŋoo dɛ komɛl laa o lawɛ dɛɛ di aa?

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Habakuk 1:15

Ba dɔma Babelɔn tena kpɔ ɡoŋri dɛɛ laɡ ba kɛŋɔ pɛŋa ken, dɛ kpɔ dɔɔne tɛɡ ba dɛɛ le baŋ, asɛ ba sie lɛ baa hɛɡre a ta.

Habakuk 3:14

He hɛma yaɡɛ o laa sitɔɔ, ɡɛ saŋ o laa tena aa wura ba tɔ ya nɛɛ dɛ lɔ yaa peɡre la. Ba sie lɛɔ kɛŋɔ nɛra baa sɔah dɛɛ fiiɡi nɛŋɡwɛɡra.

Sekaria 11:3

Hé no koranar baa do kɛ peteɡra la wii baa dɛ wi, ba jirima baa dɔa bwa tonɔ. Hé no nyujentena sii aa dɛ si kohona, kɔr o daa aa fara a do o bini Jɔɔdan Moo nyoa bwa chɔɡɔ.

Amanesoma Jɔn Aa Chwera Tɔn 10:12

Nɛn waa dɛ nyiŋi peera ta dɛɛ lɛ suuɡa la, o ta do kɛ peteɡre peera la aa ɛ o kwa. Paa te la na ɡbolo bala aa, wɛɛ chwao ɡela, ásɛ o jo a bini dɛ́ lawɛ ane, dɛ́ lɔ a kar peɡre.

We-ɛɛla 23:21

Kɛ bɛ Pɔɔl kpɔ tɛɛ ba, dɛkalkɛ ba nɛra dɛ ɡwaa fifraanaarɛ sɔh ŋwɛnɛ ta dɛ́ kpoo. Gɛ nɛra la ŋwɛɛ ntam ŋɔ ba ta Pɔɔl kpoe yaa, baa kwaa di, baa nee ɡee nyɔ. Ba ɛ wobɛlbwa tonɛ. He siwi taa baa nyiŋi.”