Yela 10:8 - mzwDBL

⁸ Ba yon sɔh bwɛjeɡre dahare, dɛ́ pɛɡle dɛɛ kpaah nɛra baa wola nomɛlbwa dɔe ó lɛɛ ba, dɛ́ kpoo.

Yela 10:8 ပူးပေါင်းရင်းမြစ်များ

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

Job Tɔn 24:14

Bɔr joɔ waa, dɛ nɛn waa dɛ kpoo nɛra iro, dɛ́ kaa kpoo nɛŋɡwɛɡra ne nyaara, jwaana dɛɛ bɛɛ kɛŋɔ ŋwɛɛ.

Yela 17:11

Ba bar mɛ cheme, bobɛlbwa maa kpɔ la, dɛ ba lole, dɛɛ nyin ŋwɛnɛ baa kpɔ, dɛ́ taɡ mɛ ɡo.

Yela 94:6

Ba dɛ kpoo luhaahna ne bilalbii, dɛɛ kpoo nɛŋhɔɔhra baa soɡe ya harɛ ta.

Sɛɡla 24:15

Bɛ he te ɛ kɛŋɔ nɛnchɔɡa yon vɔrɔwe vɔrɔwa, dɛ́ ka bar nɛndɛɛɡa deremi cheme, dɛ́ ŋwɛɛ ba la.

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Habakuk 3:14

He hɛma yaɡɛ o laa sitɔɔ, ɡɛ saŋ o laa tena aa wura ba tɔ ya nɛɛ dɛ lɔ yaa peɡre la. Ba sie lɛɔ kɛŋɔ nɛra baa sɔah dɛɛ fiiɡi nɛŋɡwɛɡra.

Amanesoma Luk Aa Chwera Tɔn 10:1

Anɔ habɔɔ la Yeesu yerɛ o habɔteŋra fifraanuanɛ dɛ banɛ bane, dɛ pɛ ba banɛnɛ, dɛ tom ba ŋɔ bá tɔ sie bwɛɛre ne bela waa dɛ ba a ta laŋa la ta.

Amanesoma Luk Aa Chwera Tɔn 8:1

Aa ɛ tama la, Yeesu jo bwɛjena ne bwɛjeɡre ta dɛɛ bol Amanesoma la kɛ Korowii Kora la dii telo. Dɛ o habɔteŋra fi dɛ banɛ la,

Sitɔɔla 9:25

Sɛkem tena le Abemɛlɛk habɔɔ dɛ ɡel nɛra ka sɔh deŋɡarere dor, dɛ che bela ɛɡre nɛra baa dɛ kpɔ bela dɛɛ lɛ ba kwa, asɛ nomɛl ka taa Abemɛlɛk be.

1 Samoɛl 22:18

Ate, kooro berɛ ŋɔ Doeɡ waa le Edom la be ŋɔ, “Berɛ he te, dɛ́ kpoo sɔfore nɔ.” Anomanta, o berɛ o te dɛ kpoo ba. O kpoo sɔfore fifraanuatoro dɛ banue baa do sɔfo batakaarebori efɔd baa kpɔ yapondɛɛɡa ɛa.

1 Samoɛl 23:23

Hé ka ɡaaɡe bɔra o yon kaa sɔh a ta la, dɛ́ berɛ ba bol kasinteŋ aa lɔ a ta n be. Ásɛ n ne he kaa, dɛ o lɔ bela ɡbosoroo tenaa, mɛɛ ɡaaɡe o bɔree, hale Juda harɛ bwa ta.”