Yela 10:7 - mzwDBL

⁷ Nɛra taahna ne nɛra neɡra, dɛ nɛra aahra ɡboo ba bwa, wobochɔɡa ne musuwaa ɡboo baa bol.

Yela 10:7 ပူးပေါင်းရင်းမြစ်များ

Job Tɔn 15:35

Gɛ nɛra nɔɔ dɛɛ vɔrɔwe wechɔɡa, neɡra ɡe ɡboo ba bwa saŋ bɛlbwa.”

Job Tɔn 20:12

A do kɛŋɔ wechɔɡa aa ɛ kontora ba nyoa bini ken, asɛ ba kpɔ do ba kaŋa bini dɛɛ moɡra,

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

Yela 140:3

Ba nyoa wobol dɛ kpo kɛ tɛɡchɔɡa ken, dɛ do kɛŋɔ domkpuli aa choɡe nɛn.

Yela 140:9

Bɛ ɡel n dɔma won pɔ n nɛ, ɡel ba aahra baa dɛ aah mɛ ɡure ba nyu ta.

Yela 144:11

Lɛɛ mɛ le nɛŋhɔɔhra baa dɛ yoo mɛ nɔn ta, nyosone ɡboo su ba nyoo, hale ba ŋwɛɛ dɛɛ ja ba nyosone ta.

Yela 144:8

Nyosone ɡboo su ba nyoo, hale ba ŋwɛɛ dɛɛ ja ba nyosone ta.

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

Yela 41:6

Nomɛlbwa na mɛ naa, nyosonee wɛɛ teŋe, liichɔɡa yon su o bambile, dɛ́ le kaa bola bobɛlbwa.

Yela 5:9

Wobol aa le ba nyoo dɛɛ ba bwa ɛ nyosone, ba pɛla waa bwaa nɛra chɔɡa. Nɛra neɡra dɛ́ kpoo ba ɡboo lɔ ba nyu bini, nɛra ɡboo baa neɡre.

Yela 50:19

Wobochɔɡa ɡboo su he nyoo, he do ɡbaŋre nyosone teŋa ta.

Yela 52:4

Nyosontenŋi bɛl le! He dɛ chɔɡ nɛra he nyoa wobol ne!

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

Yela 58:3

Wechɔɡ-ɛɛra dɛ ɛ wechɔɡa ba soɡa bini bwa, dɛ le awola baa lol ba, dɛɛ teŋe nyosone.

Yela 59:12

Wechɔɡa su ba nyoo, che ba nyoa wobol ta dɛ́ ɡel ba laɡ ba ba mbarafo baa dɛ ɛ ta. Koh nyosone ne taahna baa dɛ taah nɛra la wa,

Yela 59:13

dɛ́ chɔɡ ba he bandia ne, ka tel kɛŋɔ ba bwa aa tona. Ásɛ nɛra baa lɔ harɛ jaɡa bwa jemɛ kɛŋɔ hen Korowii, he dɛ di kora Israel tena nɛ.

Yela 62:4

He dɛ nyin kɛ he lɔɔ harɛ le bodɛɛɡe waa soɡa, he sie dɛ lɛ nyosone teŋa ta. Wobosoma dɛ le he nyoo, kɛ he bambile ta te, taahna ɡbosoo.

Yela 64:3

Ba nyoa wobol nyɛɡre kɛŋɔ, kere, dɛɛ yaɡɛ kɛŋɔ kpaah yon ta hɛmchɔɡe la ken.

Yela 7:14

Na ɡɛ wechɔɡ-ɛɛra aa dɛ vɔrɔwe wechɔɡa! Ba dɛ le jina dɛɛ neɡre nɛra.

Yela 73:8

Ba dɛ mamɛ ba bala, dɛɛ bol ba bwara wechɔɡa, ba dɔ mbarafo, dɛɛ vɔrɔwe ɡɛ baa fiiɡi ba bala.

Sɛɡla 21:6

He kpɔ nyosone ŋwɛnɛ ta dɛ dɔ kwa aa, a dɛ le he nɔn ta kɛŋɔ peu ken, dɛ́ berɛ ba seo ne.

Sɛɡla 30:8

Lɛɛ mɛ le wesale ne nyosone ta kwaraa, bɛ ɡel ń nya kɛɛ dɛ́ dɔ kondɔɔh kohona. Tɛ mɛ anɔ la maa dɛɛ di tɔpere bɛlbwa.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Emɔs 8:4

Hé no, he nɛra haa dɛ fiiɡi nyaara dɛɛ chɔɡ nɛŋɡwɛɡra harɛ la ta,

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.