Yela 10:3 - mzwDBL

³ Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

Yela 10:3 ပူးပေါင်းရင်းမြစ်များ

1 Koranar 20:25

Berɛ nyin laa tena haa paŋa la dɔŋa, dɛ jaɡre ne torɔɡore baa vɔwa pɛl jaɡre la dɔŋa. Ya ne ba cheme harɛpɛɛ ta naa, ya bokpeɡa ɛɛ ɡwaa ba nɛɛ, yá pɔ ba nɛ.” Asɛ kooro sɛh ba be dɛ ɛ ɡɛ.

Job Tɔn 31:24

Dɛ n fe kpɔ n hwɛɡa dawɛ suuɡaswɛm ta kɛɛ dɛ ŋɔ suuɡaswɛm tenten be kɛŋɔ nɛn ŋɔ, ‘Henee n lɛɛ,’

Yela 35:21

Ba dɛ pwaah mɛ ŋɔ, “Ya na waa bwa haa ɛa.”

Yela 49:18

Gɛ saŋ waa soɡe le la, dɛ o dɛ lii o te nɛn waa na som, nɛra ɛɛ kpɛɛro a wa aa,

Yela 49:6

Nɛra baa kpɔ ba te dawɛ ba kondɔɔh ta koh a waa dɛɛ ɛ mbarafo aa, maa ɔmɛ.

Yela 5:6

He dɛ chɔɡ nɛra baa dɛ teŋe nyosone, he hah nɛra baa dɛ kpoo nɛra, ne nɛra baa dɛ neɡre nɛra.

Yela 52:1

Nomonjen, ɛrɛɛ hɛɛ baɡle he te wechɔɡa ɛɛ ta nɔɔ? Korowii nyina waa dɛ nyin yaa, lole saŋ bɛlbwa.

Yela 94:4

Ba dɛ bol mbarafo wobol, mbarafo ɡboo su wechɔɡ-ɛɛra bwa.

Kaala 15:9

Ya dɔma tamanɔ dɛ ŋɔ, ‘Mɛɛ ti baa dɛ́ ka pɔ ba nɛ. Ba kondɔɔh bwaa mɛɛ ba pae ɡɛ maa dɛ nyin. Mɛɛ tɛr n kere ba nɛɛ dɛ́ chɔɡ ba bwa.’

Sɛɡla 28:4

Nɛra baa wola Mmara ta teŋɛ la, dɛ kpɛɛ nɛnchɔɡa. Kɛ nɛra baa dɛ teŋɛ Mmara ta la, hah nɛnchɔɡa.

Wejereme 7:15

N soɡa maa soɡa aa wola mun dɔe nɔ, webele anɛ aa teŋa nɔɔ n na, nɛn o wa aa toɡra dɛ́ sewɛ o wedɛɛɡa ɛɛ wa, ásɛ nyubinikpeɡ te so dɛ́ biɡri o wechɔɡa ta.

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Aesaya 57:17

Ba wechɔɡa ne ba sibeɡra waa nomanta, n baah fa di ba nɛɛ taeh, asɛ n tɛr ba deŋne dɛ laa sie kpɔ ba nɛ. Kɛ ane a bwa ba deŋne kpeɡri, dɛɛ ɛ waa ba bambile aa lawa.

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Habakuk 2:9

Nomɛlbwa waa cheɡɛ ŋwɛnɛchɔɡe ta dɛɛ nyin kondɔɔh dɛ́ tɛ o nɛra, dɛɛ nyin bodɛɛɡe dɛ́ so, ásɛ nomɛlbwa bɛ won tel o be dɛ́ chɔɡo la, ó bwɛɛlɛ.

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Amanesoma Luk Aa Chwera Tɔn 12:19

O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’

Tɔn Pɔɔl Aa Chwerɛ Rom Tena 1:29

Harɛ bini wechɔɡa nɔ bwaa baa ɛ, mur ne sibeɡra ne meesɔɔh, ne bɔweela ne nɛŋkpoa, ne naɡra ne dɔŋa neɡra, ne dɔŋa haeh dɛ nɛra ŋwala.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Mmarare 29:19

Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.

Mmarare 32:19

Korowii na ɡɛ waa nɔ o baah di, o laa sie kpɔ he bibaala ne bihaahna nɛ,

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

Jems 4:13

Hé berɛ dɛɛ no. He banɔ la haa dɛ lii he nyuune bini dɛɛ ŋɔ, “Fini kɛɛ tɔpere nɔ tɔpesoo yaa la bwɛɛ nɔ bwɛsoo taa, dɛ́ ka di benanyoa dɛɛ di bona dɛ́ nyin kwa,”

Jems 4:16

Kɛ taraken he dɛ ɛ mbarafo kɛ he ɡbo ɛɛ wonoo ɛ ɡɛ haa dɛ nyin. A ɡɛ waa la bwa ɛ wechɔɡa.

1 Jɔn 2:15

He bɛ ɡel he sie lɛ waa aa dɛ lɛ nɛra baa dɔ harɛ nɔ ta ɡbo liire sie la, ne harɛ nɔ ta kwaa ta. Dɛ he sie dɛ lɛ a ɡɛ kwaa la ta naa, dɛ haa he Mɛɛ waa lɔ nyundua la waa nyin.

Sitɔɔla 17:2

Awola bɛl, o iro dɛ ŋɔ o nya be ŋɔ, “N noɔ kɛ haa dɛ taah naate waa kpɔ he suuɡapoŋa kaɡboŋ dɛ lafa. Menee kpɔa, a lɔ n be.” Asɛ o berɛ kpɔ suuɡapoŋa la tɛ o nya, anee o nya ŋɔ, “N bie, Korowiirii dɛ sweere andɛɛɡa.”

1 Samoɛl 23:21

Kooro Sɔɔl chaŋ ba ŋɔ, “Kórowii swee heyaa andɛɛɡa kɛ haa dɛ dawɛ n waa nɔ.