Yela 10:14 - mzwDBL

¹⁴ N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.

Yela 10:14 ပူးပေါင်းရင်းမြစ်များ

Mumpar 21:17

Belaa Korowii no bie la wii, asɛ o nyundua torome che nyundua ŋɔ Heeɡa be ŋɔ, “Heeɡa, bɔkwa waa dɛɛ hae nɔ? Bɛ ɔmɛ. Korowii no he bie la waa chɔ bela la wii.

Mumpar 31:12

Anee o ŋɔ, ‘Ha sie dɛ nyiŋi na, bombala bwa aa dɛ jwee la peeɡɔ dɛ lɛɡre. Dɛkalkɛ n na ɡɛ Laban aa dɛ ɛɛ bwa.

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

2 Koranar 9:26

‘N na Nabɔt ne o bii kpoe nɔ wa, n ŋwɛɛrɔ kɛ mɛɛ bɔɔ a kemee ɡɛ harɛ nɔ tenten ta. Gɔɔro, dɛ́ kpɔɔ ka ta koo nɔ ta ɡɛ Korowii aa bola la.’ ”

2 Webena 24:22

Kooro Joas soh ɡɛ Sekaria mɛɛ sɔfo Jehoiada aa chao la, dɛ ɡarɛ kpo Sekaria. Waa chɔa dɛɛ sewɛ la o ŋɔ, “N dɛ soŋe kɛ Korowii na waa haa ɛa nɔ, dɛ́ bɔe a kem!”

2 Webena 6:23

noa nyundua bela, dɛ́ pa bole, dɛ́ tɛr onɔ la waa di bolchɔɡe la deŋne, dɛ́ ɡel boldɛɛɡe te la.

Yela 146:9

O kpɔ nɔn dɛɛ tɔ hɔɔhra baa soɡe ya harɛ ta nɛ, dɛɛ cha luhaahna ne bilalbii. Kɛ nɛnchɔɡa te, o dɛ chɔɡ vɔrɔwa baa dɛ vɔrɔwe.

Yela 22:11

Bɛ ɡel n ne he baah do jaŋne! Waa puu mɛ tonɛ, nomɛlbwa toole dɛ́ cha mɛ.

Yela 31:8

He ta ɡelɛ n dɔma dɔɔ mɛ, he kpɔ n naa cheɡ bodɛɛɡe.

Yela 35:22

N Naa Korowii, he na ɡɛ waa nɔ, bɛ nyoa tɔ. Bɛ bojaŋ kaa ɡel mɛ.

Yela 55:22

Kpɔ he waa bwa dawɛ Korowii nɛ, wɛɛ che he habɔɔ, waa ɡel nɛra ba wa aa toɡra chole bwa.

Yela 68:5

O ɛ bilalbii mɛɛ, dɛɛ che luhaahna habɔɔ. Onee Korowii waa soɡe o Dea waa do ɡoroŋ bini.

Yela 68:6

Korowiirii tɛ nɛra baa nya nɛra bɔr, ba yon so, dɛ le nɛra baa do ba dea, dɛ ɡel ba sie lɛ baa di ba nyu. Bambikpeɡ tena te, harɛ waa chɔɡa taa baa ba soɡa.

Kaala 2:25

Korowii na Israel tena wenaale, asɛ ba waa we o nɛɛ kohona.

Kaala 22:22

Hɛ́ɛ berɛ luhaahna kɛɛ bilalbii fiiɡa.

Kaala 22:26

He lɛ he dɔŋ yal cheɡ awɔba aa, berɛ o kon tɛo mɔɔ wee le harɛ,

Sɛɡla 15:25

Nɛn waa dɛ ɛ mbarafo la, Korowii dɛ chɔɡ o dem, dɛ kpɔ nɔn dɛɛ tɔ luhaahna kwaa ta.

Sɛɡla 15:3

Korowii dɛ na bobɛlbwa, o dɛ nyiŋi wechɔɡ-ɛɛra ne wedɛɡ-ɛɛra bwa.

Aesaya 10:3

Ɛrɛɛ hɛɛ ba ɛɛ awola Korowii aa dɛ ba he deŋne tɛra, ne wenaale aa le bojaŋ ba he nɛɛ laɔ? Umee hɛɛ ba chwae ka marɔɔ? Leperaa hɛɛ ba he kondɔɔh la ɡela ɔ?

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Jeremia 49:11

Hé ɡel he bilalbii waa do n nɔn ta, mɛɛ kpɔ nɔnee tɔ ba nɛ. He luhaahna ɡe bwa ɛɛ won kpɔ ba hwɛɡa bwa do n nɛ.”

Jeremia 51:56

Baa bao dɛ́ ba chɔɡ Babelɔn harɛ, dɛ́ lawɛ o laa tena bwa, ásɛ dɛ kuuɡi ba tori. Menee Korowii maa dɛ tɛr wechɔɡ-ɛɛra deŋne. Mɛɛ bɔ Babelɔn tena kemee ɡɛ aa chɛa.

Wiile 3:59

N Naa Korowii, he ɡbabir na wechɔɡa baa kpɔa ɛɛ mɛ. Ba bol n waa tɛ mɛ.

Wiile 3:60

He ɡbabir na ɡɛ n dɔma aa hah mɛ, ne ɡɛ baa dɛ vɔrɔwe n vɔrɔwa.

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.

Joel 3:4

Nɛra haa lɔ bwɛjena Taaya ne Sidon dɛ harɛre aa lɔ Filisti bwa, bɔkwa waa n ne he dɔɔ? He dɛ bɔ mɛ waane maa ɛ heyaa kem kɛɛ? Dɛ kemee hɛɛ bɔ mɛ tenaa, mɛɛ ɡeloo a berɛ ba ɡure he nyu ta warane.

Habakuk 1:13

He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

Mmarare 10:18

O dɛ nyiŋi bilalbii ne luhaahna kɛrɛdɛ dɛɛ nyin nɛŋhɔɔhra ɡe ba kondikwaa dii ne ba yale tɔe bini.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

1 Pita 5:7

Wobɛlbwa aa dɛ ha heyaa la, hé kpɔa bil Korowii sie, dɛkalkɛŋɔ he waa lɔ o bambile ta.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.