Wiile 5:7 - mzwDBL

⁷ Ya naawa fa ɛ wechɔɡa dɛ bwa serewe kaa, kɛ taraken yanee bera dɔ a deŋnetɛra.

Wiile 5:7 ပူးပေါင်းရင်းမြစ်များ

Mumpar 42:13

Ba ɡe ŋɔ, “Nomoa, he bonɔɔna, ya lɔ bii fi dɛ banɛ, dɛ ɛ babeŋkpoŋ bii, dɛ le Keenan harɛ ta. Ya bini bechala te lɔ ya mɛɛ be dem, asɛ ya bini beŋkpoŋ ɡe toole.”

Mumpar 42:36

Ate, ba mɛɛ Jekɔb ŋɔ ba be ŋɔ, “Hé dɛ nyin kɛ n paŋɛ n bii bwa kɛɛ? Josef toole, Simeon ɡe kao. Hé berɔ dɛɛ nyin kɛ he kpɔ Bɛnjamen ɡe kaa. Menee dɛɛ ba waa nae!”

Job Tɔn 7:21

Ɛrɛɛ haa wola n wechɔɡa kpɔe kɛ mɛ, dɛ ɡel waa maa koni a ta la taɔ? Maa biɡri chɔ n banɔn ta, hɛɛ dɛɛ nyin n bɔree, kɛ dɛ n toole.”

Job Tɔn 7:8

Taraken haa na mɛ nɔ, haa men na kpa, hɛɛ baa nyin n bɔree, dɛ n toole.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Jeremia 14:20

Ya na ya wechɔɡa ne ya naawa bolchɔɡe baa dia, ya bwa ɛ wechɔɡa dɛ jo he nɛɛ kohona.

Jeremia 16:11

Asɛ he ŋɔ ba be ŋɔ, ‘He naawa aa berɛ habɔɔ kpo men Korowii dɛ ka teŋɛ voɡare nɛɛ dɛɛ toma la waa. Ba vɛɛh mɛ dɛ ɡel me Mmarare ta teŋa,

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 31:15

Korowii ŋɔ, “Ba no taa bɛl le Rama. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

Jeremia 31:29

Tɔpera la telaa, nɛra aa berɛ ŋɔ, ‘Nya ne mɛɛ di ɡrepo nɔnnyɛɡa, ásɛ ba bii nyena nyɛɡ.’

Ɛsekeɛl 16:58

He jwamanwe-ɛɛla ne waa maa kia he ɛ la bwa ɛɛ ɡure he nyu taa. Men Nemenɛ Korowiirii bola.”

Ɛsekeɛl 18:2

“Ɛrɛɛ hɛɛ lii sɛɡla haa dɛ sɛɡle Israel harɛ ta ŋɔ, ‘Nya ne mɛɛ di ɡrepo nɔnnyɛɡa, asɛ ba bii nyena nyɛɡ nɔɔ?’ ”

Sekaria 1:5

He naawa sɛ taraken jaɔ? N keamere la ɡe ta lole ja aa?

Nɛra Kura 14:18

He ŋɔ he baah aa di warawara, he nyina do kan kohona, dɛ kpɔ wechɔɡ-ɛɛra ne lwɛmkpeɡ tena waa dɛɛ kɛ ba. Kɛ he dɛ tɛr nomɛlbwa waa di bolchɔɡe deŋne, dɛɛ tɛr nɛra baa ɛ wechɔɡa la deŋne, hale dɛ kpoŋe ka tel ba naanar bele batoro kɛɛ banaarɛ baa ka ba la.