Wiile 4:9 - mzwDBL

⁹ Banɔ la baa sewɛ laa ta la, bɔ banɔ la lɔr aa kpoo ba. Kondikwa bɛ toole waa lɔr kpoo ba.

Wiile 4:9 ပူးပေါင်းရင်းမြစ်များ

2 Koranar 25:3

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Kaala 16:3

dɛ ŋɔ, “Korowii fe den kpoo yaa Ijipt harɛ ta kwaraa naa, a fe bɔ. Yaa lɔ bela dɛ ola su viine, yaa di kondikwa ɡɛ yaa dɛ nyin. Dɛ a bɛlbwa ta yaa nyae, asɛ he kpɔ yaa ba ta pua hɛŋle ɡbo harɛ ta bonɔ lɔr kpo yaa ya bwa ɛɛ ba serewa nɔ.”

Aesaya 22:2

Akwe! Lɔŋɔre ɡbo bwɛ, bwɛjen ɡbɔɡa ne silɛɛ aa sui. Kere laa ba kpɔ kpoo heya, laa ta ɡe laa he ka.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Ɛsekeɛl 24:23

Hɛ́ ɡel yapondɛɛɡa la vɔwɛ he nyuune, hé do naŋɡaware, dɛ bɛ wi, hɛɛ ɡwaŋɔɔ he wechɔɡa nɔ wa, bɛlbwa sɔh dɛɛ wi.

Ɛsekeɛl 33:10

Korowii ŋɔ men Ɛsekeɛl be ŋɔ, “Nɛwɛnyini bie, ŋɔ Israel tena be ŋɔ, ba dɛ bol ŋɔ, ‘Ya wechɔɡa ne waa yaa koni a ta ɡwaa ya nɛ, a dɛ kaa ya ne mun ta. Ɛrɛɛ yaa ba ɛɛ dɛ́ dɔ ya nyu ɔ?’

Ɛsekeɛl 4:16

O berɔ ŋɔ, “Nɛwɛnyini bie, mɛɛ tɔ kondikwaa ŋwɛnɛɛ a waa do tɔɡre Jerusalam. Maɡaa baa ba kondikwaa maɡa dɛɛ di, ásɛ nee waa ɡe do tɔɡre a ha ba, baa dia tebinichɔɡ ne.

Ɛsekeɛl 7:15

He leɔ kɛrɛ aa, he lɔ laa ta, he berɔ so dem ɡe aa, he ne weechɔɡa ne lɔree. Laa taa banɔ la baa lɔ kpɔɡ bini ɛɛ ba serewa. Banɔ la ɡe baa lɔ bwɛjen la ta la, weechɔɡa ne lɔree dɛɛ ba ba kpoora.

Lewi Dea Tena 26:39

Hé banɔ la haa ba ka dɛ́ do he dɔma harɛre ta la, he ne he naawa wechɔɡa nomanta, aa hiah heyaa.

Mmarare 28:51

Baa di he kondikwaa bwaa ásɛ lɔr kpo heyaa he serewe. Baa di he mea bwaa, dɛ́ nyɔ he sen dɛ́ kpɔ he ɔleve no, dɛ́ larawe he nae bii ne peera bii bwa, ka tel kɛŋɔ he kondɔɔh bwa aa le he nɔn ta.