Wiile 4:8 - mzwDBL

⁸ Kɛ taraken ba serewɔ chɔ fɔɡbaahna baa wola ban jemɛ. Ba bwadabii holɔ kɛŋɔ da, dɛ marɛ ba hoɡa.

Wiile 4:8 ပူးပေါင်းရင်းမြစ်များ

Job Tɔn 19:20

N bwadabii tonɔ a ka n hoɡa ɡbo, a ka tama n fee sewɛ.

Job Tɔn 2:12

O daamanar la aa dɛ ba, dɛ che bojaŋ nao la, ba ta on jemɛ. Ba wio kohona, dɛ laa ba laala kɛɛ, dɛ ɛ tɔɔ do ba nyuune ta, a baɡle kɛ ba loo kuu.

Job Tɔn 30:30

N bwadabii sie biro dɛɛ sɔle, n bwara bwa wɔrɔbɔ kɛŋɔ kabul aa laɡ mɛ ken.

Job Tɔn 33:21

Ba ɡwaŋɛ, haa won jem ba kpa, dɛ́ ka hoɡa ɡbo.

Yela 102:11

N tɔpera dɛ ba warane kɛŋɔ wee yon le harɛ, bɔr ɛɛ bir la, n holɔ kɛŋɔ kpɔɡa ken.

Yela 119:83

N do kɛ yakwajɛɡla, baa wola men kpɔe dɛɛ ɛ wobɛlbwa ken, kɛ n ta he Mmarare la soɛh.

Yela 32:4

N Naa Korowii, chɔɔ ne jwaana bwaa he tɛr n deŋne, asɛ n bokpeɡa bwa tonɛ, kɛŋɔ wee yon lɔ bobɛlbwa hol hwel saŋ la.

Yela 38:3

He bandia ɡelɔ n bwara ɛɛ nyɛɡ mɛ, n wechɔɡa nomanta, n bwadabii bwa ne weelaa.

Aesaya 52:14

Nɛra warɔ dɛ nao ba bwara yɔr, ɡɛ baa ɛo, o siebɔr ne o bwadabii beɡre dɛ doŋ kohona la, o ta nɛn leɛ kwaraa kpa.

Wiile 5:10

Lɔr ɡelɔ yaa we kabul, a ɡel ya bwadabii wɔrɔbe kɛŋɔ baa mar nii fononoo bini ken.

Joel 2:6

A dɛ ba naa, dɛ ɔmee chole harɛre nɛra bwa nɛ, ásɛ bɛlbwa bambile ɛɛ teŋe.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Amanesoma Luk Aa Chwera Tɔn 10:11

‘Hale ya pee he bwɛɛ nɔ teera aa ɛ ya napaala la ta, dɛ baɡle kɛŋɔ ya kpɔ Korowii Waa ba he be he vɛah. Kɛ a chɛ kɛ hé jemɛ kɛŋɔ Korowii Kora la pu heya.’