Wiile 4:7 - mzwDBL

⁷ Jerusalam sitɔɔla waa fa do chasee kɛŋɔ yabi aa toa ken. Ba fa dɔ bwadabii dɛ dɔ bokpeɡa, dɛ je ɡe kohona.

Wiile 4:7 ပူးပေါင်းရင်းမြစ်များ

Job Tɔn 28:16

Haa won kpɔ suuɡaswɛm koŋkwaa dɔɔ, haa won kpɔ bwedɛɛɡa a yoɡ aa kpeɡa dɔɔ.

Job Tɔn 28:18

Bwedɛɛɡa ane a yoɡ aa kpeɡa ta wejema tele, bwedɛɛɡa ane aa ɛ ampoŋa ne answɛɛma dɛɛ nyɛɡle ta on tele.

Yela 144:12

Gel ya bibaala bonɔɔne saŋ do kɛŋɔ daa baa nyiŋi a ta kɛrɛdɛ, á kpeɡ dɛ́ do kpeɡri. Gel ya bihaahna ɡe do kɛŋɔ pilare baa paaɡa koodem, a ɡel o do o wer la.

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Yelsom 5:10

N sɛnodɛɛɡe la wer bonɔɔ kɛrɛdɛ, o bwara ɡe do kpeɡri, o dɔŋ toole baala kaɡboŋa fi bini.

Yelsom 5:15

O nakpale wer dɛ do kpeɡri kɛŋɔ pilare baa kpɔ bwedɛɛɡa aa toa ɛa, asɛ a chɔŋɛ suuɡaswɛm loɡa ta. O mar wer dɛ dɔ jirima kɛŋɔ Lɛbanɔn peleme dajaŋa.

Daneɛl 1:15

Tɔpera fi la aa tela la, dɛ Daneɛl ne o bala batoro la dɔ bokpeɡa kohona, ba bwadabii ɡe do wer ɡwaa banɔ la baa dɛ di kooro dem kondikwaa la.

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Sitɔɔla 13:5

He tea haa dɛ ba kpoŋa la, bibaalee hɛɛ ba lola. Dɛ́ɛ berɛ o nyu fona bwa, dɛkalkɛ Korowii ɛɛ leo cheɡ ó ɛ Nasiri te dɛ́ le o lola saŋ bwa. Onee dɛɛ ba mun pae dɛ́ lɛ Israel tena le Filisti tena nɔn ta.”

Sitɔɔla 13:7

O ŋɔ n be ŋɔ mɛɛ kpoŋe tea dɛ lolɛ bibaa. Anomanta, n bɛ seŋkpeɡa bɛlbwa nyɔ, kɛɛ dɛ di kii kon bɛlbwa, dɛkalkɛ Korowii le bie la cheɡ o lola saŋ bwa, ó ɛ Nasiri te ka tel o serewe wee.”

Sitɔɔla 16:17

Anomanta, Samsen bol o tea bini waa bwa chaɡlo ŋɔ, “Ba ta fon kpɔe fonɛ n nyu bwa. Nasiri tee men. Korowii lee mɛ cheɡ tɛ o te, dɛ le n lola saŋ bwa. Ba fonɛ n nyu aa, n bokpeɡa maa dɔa nɔ bwa dɛ ba tona n ɡwɛɡre kɛ baa bɛlbwa ken.”

1 Samoɛl 16:12

Anomanta, o ɡelɔ ba ka yerɔ ba. O mao dɛ do wer bonɔɔ, o siwinyiŋi ɡe do wer kɛrɛdɛ. Anee Korowii ŋɔ, “Ir dɛ́ fuɡe noo do o nyu ta, onee ɛ nɛn maa leo.”