Wiile 4:20 - mzwDBL

²⁰ Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Wiile 4:20 ပူးပေါင်းရင်းမြစ်များ

Ɛsekeɛl 12:13

Mɛɛ ta asawii dɛ́ lawɔ, dɛ́ kpɔɔ kaa bwɛjen Babelɔn ta waa wola belaa na dɛ́ sewɛ bela.

Jeremia 39:5

Babelɔn laa tena la ti ba dɛ ka lawɛ Kooro Sedekia Jeriko harɛ bɛl waa chɔa kaa ta. Ba lawɔ ka tɛ Babelɔn Kooro Nebukadnesa, ɡɛ saŋ dɛ o lɔ bwɛjen Ribla waa lɔ Hamat harɛ ta. Belaa Babelɔn Kooro Nebukadnesa ka bol o waa dɛ pao bolchɔɡe.

2 Samoɛl 19:21

Belaa Seruya bibaa Abisae ŋɔ, “A ta chɛ kɛŋɔ bá kpo Simei ɡɛ waa nɔ wa aa? O taah nɛn Korowii aa leo dɛ fuɡe noo do o nyu ta, dɛ cheɡo kora ta.”

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

2 Samoɛl 1:21

Mɛn kɛɛ bwaala bɛ Gelboa deŋɡarere ta nɛ, o harɛre bɛ won dɛɛ ɛ kondikwaa ɡe kpa! Banyoola kwaa baa kpɔa tɔ ba te ɡbemɡbe dɛɛ yo chɔ bela, baa noo kpɔe dɛɛ fɔɡɛ Kooro Sɔɔl kon waa kpɔa dɛɛ tɔ o te ɡbemɡbe wɛɛ nyɛɡle kpa.

2 Samoɛl 1:14

Devid berɛ bɔɔro ŋɔ, “Ɛrɛɛ he ta ɔmɛ tamaa bɛlbwa dɛ won kpo nɛn Korowii aa cheɡo kora ta nɔɔ?”

Ɛsekeɛl 17:18

Kooro la ŋwɛɛra waa ŋwɛɛra ne fɔo o ne Babelɔn kooro aa fɔwa la, o ta a ta teŋɛ. Anɔ waa ɛa nɔ bwa ɡelɔ waa won le a nyoa.”

Jeremia 52:8

kɛ Babelɔn laa tena la ti Kooro Sedekia, dɛ ka lawɔ Jeriko harɛ waa chɔa kaa ta, asɛ o laa tena bwa chwa ɡelo.

2 Samoɛl 18:3

Anee ba chaŋo ŋɔ, “N naa, a ta chɛ kɛ he ja ya nɛɛ kaa ɡɛ. A kaa ba kɛ ya dɔma sii ya nɛɛ yaa chwa aa, a ta waane ɛɛ. Ya pera kwaraa serewɔ aa, aa ban waanee ɛ. He ɡwaa yaa nɛra kaɡboŋa fi, a wer kɛŋɔ he te so bwɛjen nɔ bini, ásɛ ya hiah chae bɛl aa, he ba cha yaa.”

1 Samoɛl 26:16

He ta he toma ɛɛ, Abna. N ŋwɛɛ Korowii waa lole saŋ bɛlbwa kɛŋɔ, a chɛ kɛ he bwa sewɛ, dɛkalkɛŋɔ he ta he dɔɔ Korowii aa cheɡo kora ta daahnɛ. Leperaa kooro lampea ne loŋ waa dɛ do nee o bini a che o nyu bɔr la dɔɔ?”

1 Samoɛl 26:9

Kɛ Devid ŋɔ, “Bɛ on kpo! Nomɛlbwa waa kpo nɛn Korowii aa fuɡe noo do o nyu ta dɛ cheɡo kora ta la ɛɛ di bolchɔɡee.”

1 Samoɛl 24:10

He ɡbabir nao fini ɡɛ Korowii aa kpɔe do n nɔn ta bwebɔɔ la bini. Bane ŋɔ ń kpoe, kɛ n ɡele dɛ ŋɔ maa nɛn n dɔɔ Korowii aa fuɡe noo do o nyu ta, dɛ cheɡo kora ta la wechɔɡa bɛlbwaa ɛ ŋwɛnɛ bɛlbwa ta.

1 Samoɛl 24:6

Asɛ o ŋɔ o laa tena la be ŋɔ, “Korowii ɛɛ la ane bojaŋ kɛŋɔ n ɛ nɛn n dɔɔ Korowii aa fuɡe noo do o nyu ta, dɛ cheɡo kora ta wechɔɡa ŋwɛnɛ bɛlbwa ta.”

1 Samoɛl 16:6

Baa tel bela la, Samoɛl na Eliab dɛ lii ŋɔ, “N jemɔ kɛrɛdɛ kɛŋɔ nɛn Korowii aa fuɡe noo do o nyu ta laanee cheɡɛ o sie bela nɔ.”

1 Samoɛl 12:5

Anee Samoɛl ŋɔ, “Korowii ne kooro waa leo laanee ɛ he danseɛ fini kɛŋɔ he ta wechɔɡe bɛlbwa n nɛɛ nae.” Asɛ ba chaŋe ŋɔ, “Ɔɔh, Korowiirii ya danseɛ.”

1 Samoɛl 12:3

N cheɡɛ bonɔ fini, dɛ n ɛ nomɛl wechɔɡe bɛl aa, bɛlbwa bol Korowii ne nɛn waa leo cheɡ o ɛ kooro nɔ sie. N lɛ nomɛl keeɡo kɛɛ nao o be naa? N faah nomɛl kɛɛ dɛ fiiɡi nomɛl aa? Umee n ɡel o yaɡ mɛ sen ɔ? Dɛ n ɛ anɔ bini bɛlbwa naa, mɛɛ bɔ naate a kemee.”

Mumpar 44:30

“Nomoa, taraken n berɔ kaa n mɛɛ be dɛ ya nime nɔ ta jae yaa, wɛɛ sewɔɔ. O dɛ nyinu kohona,

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

Jeremia 52:9

Ba lawɔ kaa bwɛjen Ribla waa lɔ Hamat harɛ ta, ka tɛ Babelɔn Kooro Nebukadnesa o ka bol o waa dɛ pao bolchɔɡe.

Daneɛl 4:12

O papooni wer, o nɔna warɛ harɛ nɔ ta nɛra bwa dɔ dɛɛ di. O chunchule taa kpɔɡ bini ola ɛɛ chɔ, jumbii ɛɛ sɔh a kɔne o kpala ta. Belaa kontaale bɛlbwa dɔ kwaa dɛɛ di.

Sitɔɔla 9:15

Asɛ o ŋɔ, ‘He dɛ nyin kɛ he cheɡ mɛ kooro aa, hé ba sɔh n chunchule ta. Dɛ ɡɛ laa tenaa, mɛɛ ɡeloo nii le dɛ́ ba fuh peleme daa aa lɔ Lɛbanɔn harɛ ta.’ ”

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Ɛsekeɛl 31:17

Banɔ la baa soɡe o chunchule ta, dɛ ɛ o chamene tena baa lɔ harɛre ta ne o kaa lalabwɛ, dɛ ka ja nɛra baa kpoo ba keri ne la nɛ.

Hosia 13:10

Hé ŋɔ ń tɛ heyaa kooro ne nomonome, asɛ n tɛ heya, kɛ ɛrɛɛ baa ba wona lɛ heya ɔ?