Wiile 4:13 - mzwDBL

¹³ Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Wiile 4:13 ပူးပေါင်းရင်းမြစ်များ

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Ɛsekeɛl 11:6

He kpoo nɛra bwɛjen nɔ ta warɛ ɡa, ba lala perɛ fɔɡbaahna bobɛlbwa.

Ɛsekeɛl 22:25

Ba koranar do kɛŋɔ nyujentena yon lawɛ ola dɛɛ kaa dɛɛ kɔɡre la. Ba dɛ kpoo nɛra, dɛ pa ba suuɡare ne ba kondɔɔh bwa, a che a ta luhaahna warɛ o ta.

Matiu 23:31

Kɛ he ɡe aa berɛ ɛɛ tɔh kɛŋɔ banɔ la baa kpoo Korowii keamere la naanaree heya!

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?