Wiile 3:53 - mzwDBL

⁵³ Ba lawɛ n ne n siwi ta kɔlɔŋ bini, dɛ foɡ mɛ bwea, dɛ́ fee kpo mɛ.

Wiile 3:53 ပူးပေါင်းရင်းမြစ်များ

Jeremia 37:16

Anomanta, ba laɡ mɛ do dea bɛl baa kwiu bɔɔ, biro tenten do o bini, asɛ n do bela biɡri.

Jeremia 37:20

Taraken n naa kooro, cheɡ deŋne dɛ́ no waa maa dɛ ba he bɔɔra nɔ dɛ́ ɛ tɛ mɛ. N dɛ soŋe kɛ he bɛ men kpɔ ka do dea Jonatan dem bela kpa. He ɛ ɡɛ naa, sewaa chɛ kɛ n den sewɛ.”

Jeremia 38:6

Anomanta, ba lawɛ men Jeremia dɛ kpɔ mɛ ta kooro bibaa Malkija kɔlɔŋ bini. Dɛ o lɔ kooro dembaah bela nɛra la aa dɛ daah la. Ŋwɛɛraa ba kpɔ vɔɡ mɛ dɛ kpɔ mɛ tu kɔlɔŋ la bini. Dɛ nee toole o bini, kpechɛɡre ɡboo, asɛ n ka jo a ta.

Jeremia 38:9

“N naa kooro, nyubinikpeɡ waa baala nɔ ɛ Korowii keame Jeremia la. Ba lawɔ ka ta kɔlɔŋ bini bela lɔr aa dɛ ba o kpoe ó sewɛ, dɛkalkɛ bwɛjen nɔ kwaraa ta la, kondikwaa toole kpa.”

Daneɛl 6:17

Ba kpɔ bwe bɛl ba tɔ bɔɔ la nyoa, asɛ kooro la kpɔ o noniseɡ ne o nomonjena la noniseɡa ka pɛl bwe la ta, ɡɛ aa ɛ nomɛlbwa bɛ won ka lɛ Daneɛl ta.

Daneɛl 6:18

Kooro la berɔ kaa o dem, o ta wone di kondikwaa jwaana la bwa, o sie ta lɛɛ kɛŋɔ ba ɛ silɛɛ waane bɛlbwa o dem ɡe. O ta wone chɔ dom.

Jona 2:1

Jona aa lɔ pɛŋe la tea bini la, o soŋe Korowii waa dɛ tomɔ la.

Matiu 27:60

dɛ kpɔɔ ka huɡe lalbɔɔ o ɡbaɡba aa forɛ bwe bɛl ta o do kɛŋɔ dea ken baa wola nomɛlbwa o bini huɡe mɔɔ la, dɛ ɡbili bwejen bɛl tɔ o nyoa, asɛ dɛ le bela kaa.

Matiu 27:66

Anee ba ka ɛ ɡɛ baa ɛ bwa nɛn bɛ won ka ŋwɛ lale la. Ba kaa maa lalbɔɔ la ne bwe la baa kpɔa tɔ o nyoa la bobɛl pɛ ɡɛ aa ɛ dɛ nomɛl ŋwɛo jo bɔɔ la bini naa, ba won jemɛ, asɛ dɛ berɛ kpɔ soojare so bela ŋɔ báa daah bela.