Wiile 3:37 - mzwDBL

³⁷ Umee dɛ́ bol waa aa won chiɡ, dɛ Korowii laa sɛah kɛ a chiɡo?

Wiile 3:37 ပူးပေါင်းရင်းမြစ်များ

2 Samoɛl 16:10

Ate, kooro ŋɔ, “Abisae ne Joab, bɔkwa waa n ne he dɔ ɛɛ yɔ? Dɛ Korowiirii ŋɔa Abisae taah men Devid aa, umee dɛ́ won bɔɔ ŋɔ ɛrɛ waa wɛɛ ɛ ken ɔ?”

1 Koranar 22:34

Siiria laa tena la bɛl ta hɛm o ka yaɡɛ Israel Kooro Ahab kon waa kpɔa tɔ ɡbemɡbe la keŋkeŋ, asɛ dɛ yaɡɛ o bambinyoa dɛ o laa saahna. Asɛ kooro la ŋɔ nɛn waa soɡe o torɔɡo baa vɔwa pɛl jaaɡɔ la be ŋɔ, “Ba do mɛ bol, le n ne laa nɔ ta.”

2 Koranar 6:33

Elaesa ne ba ta aa dɛ bol waa la, dɛ kooro la dɛ tel o be dɛ ŋɔ, “Korowiirii ɡela wechɔɡa nɔ ba, n berɛ kpa Korowii ka tel saŋ besoo jaɔ?”

Job Tɔn 10:13

Kɛ n nao kɛŋɔ anɔ bwa lɔ he bini, asɛ n jemɛ kɛŋɔ ɡɛɛ lɔ he nyu bini.

Job Tɔn 2:10

Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

Kaala 10:10

Kooro la ŋɔ o be ŋɔ, “N ŋwɛɛ he Korowii la kɛŋɔ maa ɡel he kpɔ he haahna ne bechale la kaa. Liichɔɡaa lɔ he nyu bini ɡɛ la.

Sɛɡla 16:9

Nɛn nyubini liire nee wɛɛ maɡle wa, kɛ Korowiirii dɛɛ baɡle waa waa ɛ.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Tɔn Pɔɔl Aa Chwerɛ Rom Tena 9:15

O ŋɔ Mosis be ŋɔ, “Naate n tea aa toora kɛŋɔ ń sune o nɛɛ la, mɛɛ sune o nɛɛ. Naate n tea aa toora kɛŋɔ ń tea domɛ o nɛɛ la, n tea ɛɛ domɛ o nɛɛ.”

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te